以賽亞書 44章21節 到 44章28節   背景資料  上一筆  下一筆
這是一段勸勉ê詩歌,呼籲以色列人民一定ài會記得上帝ê大恩,特別是ài會記得上帝是獨一ê創造主,chiah是帶領過in離開埃及,並且teh-beh帶領in脫離巴比倫ê主。

第21到22節,chia提起「ài會記得chit件事」,是teh指:一是上帝揀選以色列民族當做祂ê「奴僕」。二是上帝「造」了in。表示主人有責任保護「奴僕」而chia ê「造」一字,意指創造,mā有含另兩種意義:一是「揀選」,二是「非常了解」。雖然奴僕犯引起主、忿怒ê罪行,m̄-koh主人慈悲,願意赦免in ê罪過,ài奴僕「回頭」認罪、懺悔。

第23節,chit節thang參考第四十二章10到13節,表示所有ê受造物,包括「諸天」、「地ê深處」、「森林群山」、「林中ê樹木」等lóng tio̍h歌頌o-ló上帝。

第24節,chia用「救贖者」,表示上帝乃是「創造」ê神。聖經作者每pái談起「創造」ê上帝,就會表示chit位上帝是「獨一」ê神,無其它ê神能參與創造。因為án-ne,chit位創造ê上帝是「神聖」bē-tàng侵犯ê。

第25節,kah第24節記載上帝奇妙ê創造相對應,人想用家己ê知識、能力,á是求問巫師ê「占卜」預測未來,lóng是非常愚戇ê作法。Chia講上帝beh hō͘ hiah-ê自認「聰明人ê話」,變成愚拙。使徒保羅mā引用chit種講法(參考哥林多前書一:19—20)。

第26節,chia講真實ê先知是上帝所差派,上帝一定會hō͘ chiah-ê奴僕、使者所講ê「計畫kah預言」ê事lóng「實現」。Chit節mā講以色列人民kā回鄉,kā早to̍h成做「廢墟」ê「猶大ê城市」koh再「重建」,並且hō͘ in ē-tàng「koh再tī hia khiā起」。

第27節,chia講上帝命令hō͘「海水乾涸」成做「河流變成旱地」,這「海水」kah「河流」lóng是代表巴比倫。表示上帝beh摧毀巴比倫帝國,thang hō͘以色列人民thang平安tńg去故鄉重建家園。Ná親像過去帶領以色列人民行過紅海仝款。

第28節,「塞魯士」,伊是波斯帝國ê皇帝(參考歷代志下三十六:23)。Chia講上帝要塞魯士皇帝替祂「牧養」羊群。並且mā tio̍h協助重建「耶路撒冷」城,重建ê工程後來就tī尼希米、以斯拉 ê時代完成(參考以斯拉記一:2—4、六:3—5)。

重新查詢 專卷研經 以賽亞書系列
錯誤回報,請聯繫