以賽亞書 40章12節 到 40章20節   背景資料  上一筆  下一筆
Chit段詩歌ê經文有一個極大特色,就是採用強烈對譬喻式。詩人teh歌頌創造天地ê上帝,並且強調一個中心信息:只要是óa靠上帝,每一個人ê性命會堅強ná親像展翅飛翔tī天空ê la̍h-hio̍h一般,bē疲乏,mā不困倦。M̄-koh同時,詩人mā透過chit段詩歌表明一個真理:tī chit世界上,無任何一個人、物件thang kah chit位造物主上帝相比。

第12到14節,chit段經文採用極大ê對比描述:「手心量海水」、「手掌測高天」、「量器量大地」、「天平秤山嶺」等,hō͘聽ê、讀者容易明白。Á「測度」、「指教」、「引chhōa」等,chiah-ê lóng是屬tī智慧層面ê用詞。Án-ne,甚麼人會比上帝koh khah有智慧而ē-tàng「教導」、「指引」祂?人是上帝用土粉造ê,是受造ê萬物之一,有限ê人怎樣ē-tàng認bat無限ê創造主上帝?

第15到17節,chia有兩pái用「看ah」Chit-ê詞,可惜都無譯出,tī中文《和合本》、《台語漢字版》等lóng只tī chia節ê開始有。M̄-koh tī天主教《思高聖經學會曉版本》,kah《呂振中》教授ê版本兩pái lóng有譯出來。主要teh表達人看做偉大ê世界,á是強大武力ê國家,tī上帝眼中卻只不過像沙粒渺小。Ná親像「黎巴嫩ê森林」ē-sái講是舊約聖經時代siōng出名ê建材,m̄-koh即使kā它全部用來ài做做獻祭ê材料mā無夠用。意思是teh指人看做siōng偉大ê高山森林樹木,mā無夠上帝ê爐灶所需要ê。作者主要teh說明:人無論用甚麼款ê宗教禮儀,mā lóng無法度講述上帝ê偉大。換句話講,上帝ê偉大,並無會因為人所舉辦ê任何形式之宗教禮儀而彰顯出來,mā bē因為人簡單ê禮儀,就hō͘上帝ê偉大消失、減弱。Tī上帝眼中,人世間無甚麼所謂偉總是ē-tàng言。

第18節,chit節到第20節mā thang參考第四十一章7節、第四十四章9到20節。Chiah-ê經文ê背景lóng是teh諷刺當時流行tī巴勒斯坦ê宗教風氣,就是kā人ê手所造ê神像,當做是上帝teh拜,甚至kā chiah-ê虛假ê神明the̍h來kah創造天地ê上帝相比並。Á koh khah荒謬ê是巴比倫帝國ê皇帝甚至自比為神明,ài伊所統治ê人民來拜伊。

第19到20節,chit兩節thang參考耶利米書第十章3到5節。只要是人ê手所造ê物,無論是用jōa-ni̍h-á貴重ê材料鑄造出來,lóng m̄是真正神。

重新查詢 專卷研經 以賽亞書系列
錯誤回報,請聯繫