以賽亞書 30章19節 到 30章33節   背景資料  上一筆  下一筆
Tùi第19節開始,lóng是談及上帝乃是恩典滿滿ê神,祂對祂子民ê疼,永遠bē改變。Chit段經文講述上帝伸出全能ê手,就ná仝一個位勇猛ê戰士般,會hō͘威脅祂子民ê氣力瓦解,無koh出現。

第19到21節,chit段經文講出「上主是慈愛ê」,chit句話講出上帝ê本性。雖然有時上帝會hō͘祂ê子民「忍飢iau餓」,m̄-koh這卻是一種訓練,ná親像當年以色列人民出埃及ê時,上帝用iau餓來教導in,然後用嗎哪來餵飽in,in m̄免四界去「chhōe」食物,就有來自天頂降落來ê食物kā in賜福。為tio̍h是beh「教導」in學習聽從上帝ê話(參考申命記八:3)。上帝會差派祂忠實ê奴僕隨時隨地指點in該選擇ê正確之道。

第22到26節,kui本聖經ê一個中心主題,就是呼籲上帝ê子民一定tio̍h對上帝絕對忠實,bē-tàng棄sak上帝去拜偶像神明。因為án-ne,偏離上帝ê道,就是拒絕聽從上帝ê話,去拜偶像。因為án-ne,「扔掉偶像」,kā它當做「垃圾」般看待chiah是對ê。Án-ne,必定會得tio̍h上帝ê保守、照顧。上帝必定會「降雨」灌ak in所掖種ê一切農作物,並照顧in ê家畜動物。換句話講,上帝會賜福kā in賜福,hō͘ in ê生活安定、無慮。M̄-nā無任何敵人敢來攻擊傷害忠實ê上帝子民,就算有人受傷tio̍h,上帝mā會親自「包紮」、「醫in」,ná親像老母看顧、守護tio̍h gín-á,展現出無微不至ê疼。

第27到29節,chia提起「火kah煙」、「燄火」、「氣」、「大水」等等chiah-ê用詞,lóng是teh描述上帝ê威嚴,hō͘人聽tio̍h、看見就會生出懍neh。Á「大能kah榮耀」,是teh表明上帝透過神跡奇事來顯示祂ê榮耀。先知以賽亞tī chia講出一個重要ê信息:任何忠於上帝ê子民lóng ē-tàng看見上帝拯救ê榮耀,tī審判來臨ê時,chiah-ê子民lóng會興奮像個朝聖者,tī歌舞聲中行向敬拜上帝ê聖殿去歌頌上帝。

第30到33節,chit段經文中,特別強調所有ê人lóng ē-tàng聽見上帝「威嚴ê聲音」,而且會看見上帝用「火燄、烏雲、冰雹,kah豪雨」等景象,hō͘所有ê人lóng thang輕易看見,就算勇猛ê大國亞述「聽見了上主ê聲音就驚惶phi̍h-phi̍h-chhoah」。因為「上主beh親自攻擊亞述人」,「像硫磺火燒hit堆木材」,這說明上帝決定beh徹底消滅亞述。

重新查詢 專卷研經 以賽亞書系列
錯誤回報,請聯繫