以賽亞書 20章1節 到 20章6節   背景資料  上一筆  下一筆
Chit章tùi文字上看起來,kah-ná是談起非利士人ê城市亞實突會hō͘毀滅,m̄-koh實際上是繼續tī預言有關埃及teh beh tú-tio̍h ê危機,因為án-ne,chit章mā ē-sái講是第十八到十九章ê結語。

第1節,「亞述皇帝撒珥根」,mā就是「撒珥根二世」,是tī主前721到705年做王。Ē-sái講是亞述siōng偉大ê王之一。Chit-ê王下命令ài伊ê元帥攻擊「非利士ê亞實突城」。

非利人共計有五個城邦,除了亞實突外,iáu有亞實基倫、迦薩等chit三個城市,lóng是屬tī沿海城市。另兩個內陸城市,是用革倫、迦特等(參考撒母耳記上六:17)。主前713年,亞實突背叛亞述,無koh向亞述進貢,而且參與附近小國kah埃及聯盟來對抗亞述。主前711年,亞述皇帝撒珥根攻落亞實突。

第2到3節,「這事件發生前三年」,這年代可能是tī主前714年。上帝ài先知以賽亞用肢體語言來表達上帝teh beh採取懲罰ê行動。上帝ài先知以賽亞「脫掉伊身上ê麻衣kah腳上ê鞋á」,chit種打扮,ná親像被敵人俘虜ê戰俘(參考以賽亞書四十七:2—3)。Tī聖經時代,這mā是一種懲罰戰敗ê軍人ê方式。Koh講,án-ne即使戰俘想beh逃離,mā無法度逃得真遠。其實,這mā teh說明亞實突人ê悲傷,已經被侮辱hō͘取代了。先知以賽亞聽從上帝ê話,用「光tio̍h腳行走三年」,來teh代表一個「預兆」,預言tio̍h埃及會tú-tio̍h像亞實突仝款ê慘痛經歷,m̄-koh顯然伊chit種「預兆」,並無引起當時埃及ê執政者á是人民注意,當時ê人可能kā先知以賽亞看做是一個瘋子。

Koh講,「三」Chit-ê數字Tī聖經中mā真特別,親像上帝ài摩西帶領以色列人民出埃及行「三」天路程到曠野去敬拜(參考出埃及記三:18、五:3);約拿tī魚ê腹肚裡「三工三瞑」(參考約拿書一:17),尼尼微城需要行「三工」ê路程(參考約拿書 三:3);耶穌死後「三工」koh活(參考馬可福音八:31、九:31、十:34)。

第4節,「剝光in ê衫褲」、「赤身露體」、「光tio̍h腳」等,chiah-ê動作lóng是當時侮辱俘虜ê方式。

第5節,chit節主要teh說明亞實突被亞述消滅ê事實,是對南國猶大一個重要ê警告。因為當時tī猶大國內有一股勢力,要求kah埃及結盟,當時埃及iáu未被亞述佔領。因為án-ne,chit節說明想beh聽從埃及kah它結盟ê附近族群á是國家,lóng需要重新考慮外交政策。因為當亞述去攻打亞實突ê時,埃及並無履行kah亞實突所簽訂ê約,出兵支援受tio̍h攻擊ê亞實突。

第6節,「tòa tī非利士沿海ê人」,這是teh指亞實基倫kah迦薩chit兩個屬tī非利士人ê城邦。意思是所有非利士人ê城市lóng發出仝款ê聲音,就是當時siōng有能力抵抗亞述ê唯一大國埃及lóng m̄敢出兵,想beh去kah埃及聯盟對抗亞述是無用ê。

重新查詢 專卷研經 以賽亞書系列
錯誤回報,請聯繫