以賽亞書 17章1節 到 17章14節   背景資料  上一筆  下一筆
Chit章經文主要內容,是有關上帝kā beh懲罰敘利亞kah北國以色列ê信息。M̄-koh tùi經文中ê內容來看,所提供ê資料並m̄是真完整。不過,thang tùi chit章真明確ê看出北國以色列kah敘利亞聯盟tio̍h抵擋亞述帝國ê計謀m̄-nā無效果,反tńg hō͘北國以色列面臨koh khah大ê災難。同時,tī chit章中thang看tio̍h先知一再提醒,只要信靠創造ê主,必定會得tio̍h拯救。

第1到2節,「大馬士革」,這是敘利亞ê首都。Chia講大馬士革「以後be7 koh是一個城市」,意思是伊會被毀滅,「變成荒蕪ê土堆」,這是teh指tī激烈戰爭之下tú-tio̍h到極大破壞之慘狀。

第3節,當大馬士革被摧毀後,以色列kah敘利亞聯盟所帶來ê基礎kā因為án-ne而失去。國家若是滅亡,hiah-ê無tī戰爭中死去ê敘利亞人,mā就是所謂「殘存ê敘利亞人」,會ná親像以色列人民仝款,m̄是被俘虜販賣做奴隸,就是hō͘逼kah外族人通婚。

第4到6節,連續用「sàn-chhiah」、「光禿禿」、「兩三顆橄欖」等用語,來形容殘破、衰敗ê跡象。Chia表示當敘利亞滅亡,續落來就是「以色列ê榮耀就beh終止」,kā「tùi富足變做sàn-chhiah」。Koh講,「富足變做sàn-chhiah」,mā teh說明chit-ê民族、國家已經會失去上帝ê賜福,因為人民拒絕聽從上帝ê話語。In kā ná親像「收割過ê田地」,koh khah án怎都chhōe bē-tio̍h麥穗了。若是有,mā不過是chhun落來ê、殘存落來ê幾根麥穗而已。

「利乏音谷」,這是設tī耶路撒冷西南ê一片肥土地。Chit-ê所在會是「光禿禿」一片,表示被蹂躪得非常悽慘,差不多是「體無完膚」,mā ē-sái講是「毀滅」ê意思。「只有少數人存活」,意思是teh指殘存ê人民。作者用「兩三顆」kah「四、五顆」等詞,lóng teh表示chhun落來ê人數屈指thang數,非常淒涼。這就是棄sak上帝ê結果,即使是以色列人民mā仝款。

第7到8節,「hit日子一到」,這是teh指上帝審判ê日子來臨。Chit時chūn若是知影「轉向創造主」,意思是回轉歸向創造ê主上帝。只有chit位「創造主」Chiah是「神聖ê上帝」,mā只有chit位上帝chiah是拯救ê主宰。卻m̄是人ê手所雕刻鑄造出來ê「亞舍拉女神」,這是迦南地ê人所崇奉ê神,象徵生育、增產ê氣力。M̄-koh卻是無用ê虛假之神。Tī上帝審判ê時chūn,chit種神只有ē-tàng自求chē福。

第9節,先知以賽亞傳出ê信息非常清楚,當上帝決定beh毀滅一個國家á是城鎮,就算該國有銅牆鐵壁般ê防衛能力,上帝mā仝款ē-tàng真輕易摧毀,hō͘伊成做廢墟。

「希未人kah亞摩利人」,早tī以色列人民進入迦南地chìn前,這兩支民族就已經khiā起tī迦南地(參考出埃及記三:8、三十四:11,約書亞記九:1)。M̄-koh tī上帝審判ê日子來臨,in mā仝款不堪一擊。

第10到11節,chit兩節指出以色列人民竟然bē記得chit位bat伸出大能ê手,救in離開埃及ê真神,反tńg棄sak chit位拯救in ê真神上帝,去拜hiah-ê無法度庇護in ê「異國ê偶像」,甚至iáu為chiah-ê神明「開闢所謂神聖花園」。所謂「神聖花園」,這是teh指拜偶像神明ê所在,建造tī樹林內,而且是造得非常súi。M̄-koh就算為這虛假ê神建造非常súi ê廟宇mā是枉然,當上帝審判來臨ê時,hiah-ê神明偶像mā無法度hō͘ in ê農作物豐收。

第12到13節,先知以賽亞用「像狂濤怒吼,像巨浪衝擊」Chit種句話,來形容亞述帝國帶來附近國家kah人民心中ê震撼。Chiah-ê句話mā是用來形容受tio̍h威脅ê國家,其人民心中ê驚惶。M̄-koh,tī上帝ê庇護之下,就ē-sái chiah-ê「狂濤」、「巨浪」失去威力,ná親像風中ê土粉á是糠秕仝款。

第14節,thang參考以賽亞書第三十七章36到37節。Tī前一工iáu是非常囂張ê亞述大軍,卻tī隔工清早趕緊撤tńg來,因為in強大ê軍隊tī一瞑之間,就因上帝出手打擊來死傷慘重,高達十八萬五千人喪命。Chia用「晚間」到「早起」,表示時間非常短促。

重新查詢 專卷研經 以賽亞書系列
錯誤回報,請聯繫