創世記 14章1節 到 14章16節   背景資料  上一筆  下一筆
Chit章mā ē-sái講是聖經中第一pái記載有關戰爭ê記事,是四國kah五國對抗,mā說明人類犯罪ê特徵,就是集體殘殺、掠奪。表面上看起來,chit段經文kah-ná是四王kah五王ê對敵作戰,其背後真正原因是kah爭奪通商要道有關。換句話講,是為tio̍h經濟利益來戰。In爭奪ê是通往紅海ê要道,chit條要道後來mā是以色列民族出埃及進入迦南地,想beh借路通過ê路徑(參考民數記二十:17、廿一:22)。自古以來,人類引發ê chit種爭奪財富利益之戰爭,到taⁿ從來m̄-bat停止過。

Chit段經文siōng主要是teh說明亞伯蘭是一個真有智慧,而且知影怎樣幫助家己親人ê大族長。Koh一pái說明上帝揀選亞伯蘭ê用意,就是beh hō͘別人因為伊得tio̍h祝福。

第1到12節,chit段經文說明四王phah敗五王ê聯軍,á chit五王包括了羅得所khiā起ê所多瑪在內。換句話講,羅得因為選擇美好ê土地á擁有財富,卻tī chit-pái 相戰中失敗soahlóng總失去。

第13到16節,亞伯蘭一聽tio̍h家己ê姪á受掠,而且lóng總失去財物,伊無顧性命地出面,結合伊ê盟友以實各kah亞乃,tùi án-ne聯軍出擊四王。這說明兩個重點:一是亞伯蘭有真好ê外交關係,二是伊並無因為羅得選擇了美好土地就對羅得懷恨,顛倒,伊無bē記得tī家己ê親人有難ê時出手相救。

Koh講,chit段經文講亞伯蘭ē-tàng用少少ê「精壯戰士三百十八人」,kah四王相戰,而且phah贏,mā說明上帝揀選伊,kah伊同在,hō͘伊有堅強ê氣力。

重新查詢 專卷研經 創世記系列
錯誤回報,請聯繫