以西結書 43章13節 到 43章27節   背景資料  上一筆  下一筆
Chit段是先談及關係聖殿內院ê祭壇之大細,然後續落來就談及án怎chiah好辦理獻祭ê禮儀。

第13節,這祭壇ê「四周有槽」,這槽thang用來收集牲祭流落來ê血。

第14到17節,祭壇共計有三層,包括有「底層」、「中層」,kah「上層」等,每上一層,就會往內縮「五十公分」。中層kah上層各高「兩公尺」,只有底層是「一公尺高」。Chit座祭壇是用來「燒牲祭」用ê,因為燒牲祭,所有祭壇ê四角處,lóng有「凸出ê角」,chiah-ê角tī早期是用來做避難處ê(參考出埃及記二十:12—14,列王記上一:50—51、二:28—29)。「祭壇ê臺階tī東面」,高度共計有五公尺。Kah出埃及記所規定ê bē-tàng有臺階(參考出埃及記二十:26),免得祭司無小心露出下體,已經無仝款à。

第18節,這祭壇tio̍h用來獻「燒化祭」用ê。當刣死beh獻祭ê牲祭了後,就kā cheng-seⁿ ê血灑tī祭壇四周,這表示「灑犧牲ê血」,因為血是代表性命,thang為人贖罪。

第19節,chit節koh一pái強調「利未支族、撒都後代ê祭司」是主持獻祭者。因為án-ne,只有in chiah thang到祭壇邊辦理獻祭ê禮儀。

第20節,chia說明牲祭ê血用來塗抹tī祭壇「上層凸出ê ná四個角,中層ê四個角」,除了表示「分別它為聖」之外,mā teh表示thang用來做避難,kah走chhōe免tī處死ê所在。

第21到22節,「Kā贖罪祭ê小公牛帶到聖殿外面,teh指定ê所在火燒」,而且隔工tio̍h獻「無殘缺ê公山羊做贖罪祭」,這lóng teh表示完美ê意思。然後用羊ê血潔淨祭壇,表示有贖罪ê作用。

第23到24節,續落來tī公山羊了後,tio̍h帶「一頭無殘缺ê小公牛kah公綿羊」當做獻祭品。Á chit pái ê獻祭品tio̍h「掖鹽tī in身上」當做燒化祭獻hō͘上帝。根據利未記第二章13節ê記載,「鹽」teh代表調kah,mā teh代表kah上帝立約ê意思。

第25到26,án-ne連續七工之久,每工lóng tio̍h辦理獻祭,每pái獻完牲祭了後,祭司就beh kā祭壇潔淨,hō͘它「分別為聖」。

第27節,到à「第八工」,iáu koh khah tī最後加上「平安祭」,chit-ê祭是表示慶祝、歡喜。

重新查詢 專卷研經 以西結書系列
錯誤回報,請聯繫