Chit段經文是屬tī聖殿外院，以及外院ê北門kah南門ê部分。

第17到18節，chia並無說明這「三十個房間」ê功用是甚麼，mā無說明確實ê地點。

「鋪石ê路」是繞tio̍h外院，m̄-koh「外院比內院低」，這thang凸顯出內院ê崇高kah重要性。因為內院接近聖殿，mā thang看出jú接近聖殿，地勢jú高。

第19節，「內院有一個門，比外院ê門高一個臺階」，這lóng teh表示內院kah外院之間是「聖俗」之間ê無仝。內院ê門kah外院ê門距離有「五十公尺」遠。

第20到21節，chia講「通往外院朝北ê門洞」，hit-ê門洞有「甬道」，kah東門仝款，mā是「兩pêng各有三間守衛房」，這lóng說明即使是beh進入聖殿ê外院，mā lóng beh經過chiah-ê守衛室警衛ê檢視。然後tùi外院beh進入內院ê時，mā是仝款，tio̍h通過甬道ê守衛室。

第22節，chia講北門tī「門廊、窗戶，kah雕刻tio̍h棕樹ê牆柱lóng kah東門ê仝款」，這表示tī先知以西結ê異象中，新ê聖殿是每一個門lóng仝款。
「有七個臺階上北門」，表示聖殿確實是蓋tī一座小山丘上。通常會講「上錫安山」，表示聖殿是蓋tī siōng koân ê所在。

第23節，外院通往內院「兩個門間ê距離，長五十公尺」，這kah東門仝款。因為án-ne，thang清楚看出，新ê聖殿是正四方形。

第24到25節，「朝南ê門洞」，這是teh指南邊ê門，包括「守衛房、牆柱，kah門廊ê寸尺lóng kah其他ê門仝款」，表示這聖殿除了西邊無開門外，其餘東、南、北等三門，無論tī外面觀kah內部方面lóng仝款。Mā就是講，無論tùi tó一個門進入內院，lóng是仝款ê。

「甬道」ê長度kah闊度，mā是仝款kah東門、北門仝款，分別是「二十五公尺」kah「十二公尺半」（參考第13、15、21節）。

第26節，「甬道ê入口有七個臺階上南門」，這kah北門ê甬道入口仝款（參考第22節），ē-tàng看出聖殿是設tī siōng koân ê所在，表明它是神聖ê。

第27節，chit-ê帶領者手上一直the̍h量尺，每道門lóng量，而且mā量了外牆ê門到內牆ê門之間ê距離，lóng是「長五十公尺」。