以西結書 3章1節 到 3章3節   背景資料  上一筆  下一筆
Chit章是繼續第一章,上帝命令先知以西結傳信息hō͘以色列人民聽,是用身軀語言ê方式。

Chit三節上帝beh先知以西結用身軀語言ê方式傳達信息,chia講beh kā上帝hō͘伊ê冊卷hō͘食了落去。

第1節,上帝beh先知以西結「食下這冊卷,然後去向以色列人講話」,換句話講,上帝beh先知以西結照冊卷ê內容傳達信息,這mā表示先知以西結後來所傳講ê,lóng是上帝beh伊講ê。

第2到3節,聽從上帝ê命令,這是身為上帝ê僕人先知以西結一定tio̍h順從ê第一件事。先知以西結聽從上帝ê話「thí開嘴」,kā「冊卷食下,裝滿腹肚」。先知以西結講「這冊卷像蜜仝款甜」,chit句話kah頭前第二章10節所講ê冊卷之「哀悼、吐氣,kah悲痛」ê內容完全顛倒。這mā講出了kui本聖經ê中心信息:上帝ê話,就是性命ê話語。Ē-sái lian去ê性命得tio̍h滋潤,hō͘性命出現展新ê氣力(參考以賽亞書四十:8,詩篇十九:10、一一九:103),chit種性命是充滿tio̍h歡喜、甘甜ê。Mā thang án-ne了解:上帝ê話確實是親像詩人所講ê甘甜贏過蜂蜜,ē-sái講是,上帝ê話對tī故意犯錯、做惡質ê tāi-chì ê人講,聽起來就會感覺tio̍h真痛苦,因為上帝ê話ná親像針刺仝款,甚至ná親像針鑽入人ê骨髓一般ê利劍劍(參考希伯來書四:12)。

重新查詢 專卷研經 以西結書系列
錯誤回報,請聯繫