以西結書 24章15節 到 24章27節   背景資料  上一筆  下一筆
Chit段經文看出先知以西結ê心靈世界,為家己同胞受難ê痛苦。Chit種痛苦ná親像家己身邊siōng親近ê bó͘往生了,mā無法度表示哀傷,用chit種方式來回應目chiu金金看家己ê同胞往生,mā無法度哀傷艱苦心,iáu koh khah像無甚麼事發生仝款。原因是伊已盡了先知ê責任,勸勉過in,ē-sái講是in偏偏m̄聽,只知影一意孤行地犯罪落去,致使嚴重得罪上帝,因為án-ne受tio̍h chiah-ni̍h嚴厲ê懲罰是理所當然ê事。

第15到17節,是teh譬喻上帝懲罰祂ê子民,有kah頂面仝款帝kā先知以西結「siōng心愛ê人」,mā就是伊ê bó͘「奪行」,然後上帝beh先知以西結「m̄-thang哀傷、痛哭,á是流目屎」,這是上帝對先知以西結ê要求,ài伊當做平常事仝款,koh kah-ná無甚麼事發生一般。因為án-ne「bē-tàng光頭赤足」,「bē-tàng蒙面」,mā「bē-sái食別人為喪家預備ê食物」等,以上ê動作lóng teh表示上帝就是beh先知以西結bē-tàng為死去ê bó͘辦理喪事,á是表示「哀悼」ê意思。

第18到19節,說明先知以西結是真正m̄知伊bó͘會猝死,因為是上帝「忽然」kā伊bó͘奪去。身為上帝忠實僕人ê先知以西結就「遵照上主ê命令做」,因為án-ne,引起別人ê bē了解而問伊「為甚麼án-ne做neh」。

第20到24節,是先知以西結teh對以色列民眾解釋伊之所以無舉辦喪事禮儀ê原因,是beh表明猶大人民teh beh面臨仝款哀慟ê慘狀有關。伊bó͘ ê死,ná親像以色列人民kā耶路撒冷「聖殿當做驕傲ê氣力,眼目的喜愛kah心靈ê寄託」,m̄-koh現在上帝beh親手「污辱這聖殿」,而且留tī聖殿內ê「kiáⁿ lóng tio̍h被殺害」,tī chiah-ni̍h悽慘ê境遇之下,先知以西結ài猶大人民跟tòe伊去做,就是「不蒙面,m̄食別人為喪家預備ê食物」,mā不「光頭斥足,mā不哀悼悲泣」,唯一ē-tàng做ê就是大家彼此「相對悲泣」,用chit種方式互相安慰問。先知以西結kā以色列人民講,tio̍h照伊「所做ê」跟tòe去做。

第25到27節,特別強調先知以西結所扮演ê角色,其實就是beh hō͘猶大人民看tio̍h一個明確ê記號,這就是上帝ài怎樣懲罰in悖逆ê行為。

重新查詢 專卷研經 以西結書系列
錯誤回報,請聯繫