這是另外一首詩歌，koh一pái用葡萄樹來隱喻猶大國ê遭遇，ná親像被火燒毀ê葡萄樹仝款。
第10節，「老母像一叢種tī溪水旁ê葡萄樹」，先知以西結真ài用葡萄樹做譬喻（參考十五：1—6、十七：1—10）。基本上先有一個了解：栽種葡萄樹ê，就是上帝，祂選品質siōng好ê葡萄樹（參考以賽亞書五：2）。先知以西結講這棵葡萄樹是栽種tī「溪水旁」，因為「水源充足」，因為án-ne，生做「枝葉茂盛，果子纍纍」，這ná親像詩篇第一篇3節所描述ê仝款。

第11節，先知以西結用「枝子堅硬，thang做王ê權杖」chit句來形容以色列siōng輝煌ê時代，mā就是大衛kah所羅門治理ê時期，大ê時m̄-nā無外敵膽敢覬覦、窺視，所有附近國家、民族lóng只有ē-tàng乖乖順服，而且每年呈上貢品，而耶路撒冷城則成做kui個中東所有國家前來朝聖ê聖城，ná親像án-ne節詩歌所講ê「枝子高聳入雲，人人可見」非常雄偉、壯麗。

第12節，「有忿怒ê手kā它連根拔起」，chia ê「連根拔起」，意思是摧毀了這棵原本茂盛ê葡萄樹，hō͘這棵葡萄樹因為án-ne lian去死亡。既然栽種者是上帝，mā只有上帝chiah有辦法ē-tàng kā此棵葡萄樹「連根拔起」。

「Kā它摔tī土腳，hō͘東風吹乾」，chia講「摔tī土腳」，表示用極大ê氣力，而且是帶極忿怒ê氣力kā chit棵葡萄樹拔起來了後，狠(hiông)狠「摔tī土腳」。除了上帝之外，甚麼人有chit種能力？ 

「枝子at斷，果子枯乾，被火燒光」，chiah-ê用句lóng teh表示這棵原本生做非常茂盛ê葡萄樹，已經lóng無生機thang講。

第13節，「移植到曠野」，這真清楚講出kah第10節是完全顛倒；tī第10節提起栽種tī水源充足ê溪水旁，現在是栽種tī無水源ê曠野之地。Án-ne，這棵葡萄樹就lian去死去。

第14節，「樹幹tio̍h火」，chia「樹幹」mā thang用來表明大衛kiáⁿ孫ê王室，而chit節所講ê「枝子kah果子」，thang用來表示以色列民族ê支派kah子民，chia講chiah-ê lóng會hō͘火燒盡。

「伊無koh有堅硬ê枝子，thang做王ê權杖」，tú好kah第11節ê a句相對照，表示koh khah án怎都chhōe bē-tio̍h任何人ē-tàng繼續領導以色列民族。因為樹木已經被連根拔起à。Koh講，「樹幹tio̍h火」，表明權威ê記號，lóng已經無koh存在，mā說明以色列chit-ê民族是m̄是ē-tàng繼續生存落去，lóng是一個問題。

「這輓歌一直流傳tio̍h」，表示chit首哀歌m̄-nā tī受掠ê以色列人民中流傳tio̍h，mā會繼續流傳到後代kiáⁿ孫中，甚至tī外面族人中間mā被流傳tio̍h。