以西結書 11章1節 到 11章13節   背景資料  上一筆  下一筆
Chit章是繼續談起有關耶路撒冷ê事,tī chit章中談起三件關係hit-ê城ê事,一是第1到13節,這是kah耶路撒冷城被毀滅ê原因有關,說明hit-ê城徹底毀滅是出tī上帝嚴厲懲罰ê結果。二是第14到21節,預言猶大人民kā重新聚集做伙,chiah-ê重回家園ê猶大人民,會得tio̍h上帝賞賜ê新性命。三是第22到25節,短短幾節經文,講上帝ê榮耀已經離開耶路撒冷城。Á先知以西結清楚表明伊確實有遵照上帝ê旨意,kā所看見信息傳達出去。

Chit段經文是繼續頭前兩章談起有關上帝beh嚴厲懲罰耶路撒冷城ê事。

第1節,「上帝ê靈kā我提起」,chit句話說明先知以西結一直是hō͘上帝ê靈充滿tio̍h。Án-ne,伊所看見ê lóng是出tī上帝ê旨意,是上帝beh hō͘伊親目看tio̍h ê現象á是事物。現在上帝ê靈kā伊帶到「聖殿ê東門」處,tī chia先知以西結「看見二十五個人」,in中間有兩位是「雅撒尼亞」,kah另外一位「比拿雅ê kiáⁿ比拉提」,in兩人可能「民間領袖」,因為án-ne,先知以西結認bat in。

第2到4節,chit兩個領袖帶頭hō͘耶路撒冷ê猶大人民「tī城內圖謀邪惡,詭計多端」,做上帝看做邪惡ê事。卻iáu對人民講「無久就beh重建家園」,上帝就是beh先知以西結指責chit種傳達錯誤、虛假信息ê人,以及聽信chit種錯誤信息ê人,beh hō͘ in lóng清楚知影這是錯誤ê信息,因為khǹg tī鍋內ê肉一定走不掉、逃bē過,真緊to̍h會hō͘煮熟。

注意第3節對照第廿四章1到6節來看,就會知影「鍋á」chit-ê詞,thang用來譬喻耶路撒冷城。Chiah-ê社會領袖傳出無正確ê信息,是認為耶路撒冷城牆真堅固,ná親像鍋á一般,thang庇護鍋內ê肉。其實,鍋á外面已經ná親像ki-lō͘-pek the̍h火燒ê炭掖tī城內ê每一個角落,tú-teh火燒tio̍h(參考十:2、7),真緊to̍h會熟à。

第5到6節,「Lín嘴所講、心所想ê,我lóng知影」,這是上帝ê全能。祂是無所不知ê上帝,mā是鑒察人心內意念ê上帝。這mā說明,人tī暗中所計畫圖謀邪惡ê事,iáu未進行chìn前,上帝已經非常清楚à。特別是chiah-ê猶大人民ê領袖四界濫刣無辜ê,m̄是只有少數幾件,卻是「殺害chiah-ni̍h chē人」,而且是「街路lóng堆滿屍體」hiah-nih-chē。M̄-koh chiah-ê是表面上kah-ná無人知影,ē-sái講是上帝卻非常清楚。

第7節,清楚記載先知以西結對耶路撒冷城內ê猶大人民講,「鍋內ê肉是hō͘ lín殺害ê人ê屍體」,卻m̄是第3節chiah-ê猶大人民領袖家己所講kā人民講ê,thang受tio̍h「鍋」一般有力ê庇護。

「bē-bái,chit座城就是鍋」,chit句話是teh指耶路撒冷應該是真堅固ná親像鍋一般,thang經歷火般ê燒、燉。M̄-koh這並無表示猶大人民tī內面就真安全,無,in á是仝款會ná親像被hiat-ka̍k ê物件仝款,kā無好ê tùi鍋á內拾出來,ná親像垃圾一般被「hiat出城外」,表示ná親像m̄-thang ê物件棄sak。因為上帝棄sak in à。

第8到12節,講述上帝怎樣對待耶路撒冷ê猶大人民。

上帝會用猶大人民siōng-kài擔心ê「刀劍攻打」in。這「刀劍攻打」表示戰爭,而且是phah敗仗,戰死tī家己ê土地頂面。Á活落來ê人會被「交hō͘外國人」手中,成做他國ê俘擄,這ná親像被判處「死刑」仝款。Koh khah慘ê,是無論in怎樣逃,lóng逃不掉,因為這是上帝ê懲罰,原因是in「違背了」上帝ê命令。

第13節,並無說明為甚麼「比拿雅ê kiáⁿ比拉提」會「忽然倒槍殺」,真可能kah伊帶頭犯罪ê事有密切關係。因為先知以西結正teh傳述上帝beh毀滅、懲罰耶路撒冷ê猶大人民ê時,bat提起比拉提ê名kah事件(參考第1節),結果比拉提就因為án-ne來死。

當先知以西結看tio̍h比拉提忽然猝死在地,第一個反映就是趕緊向上帝祈求。伊問上帝kám講「ài kā以色列kan-taⁿ存ê人lóng滅絕mah」,因為比拉提是社會領袖之一,若連伊lóng tī chit種lóng無心內準備之下而猝死,hō͘先知以西結ê感覺是:上帝ê懲罰是chiah-ni̍h緊,伊連tio̍h呼籲in悔改ê時間mā無。


重新查詢 專卷研經 以西結書系列
錯誤回報,請聯繫