出埃及記 4章24節 到 4章31節 背景資料 上一筆 下一筆 |
Chit段經文mā是teh讀出埃及記ê人不時會tú-tio̍h ê問題,就是上帝既然beh差遣摩西tńg來埃及,為甚麼tī半路上iáu koh khah殺害伊?Iáu好,因伊bó͘西坡拉機警,chiah救了伊ê性命。 第24到26節,可能是teh說明摩西患重病,伊ê bó͘用gín-á ê割禮醫了摩西ê病(參考第26節西坡拉講)。Koh講,chit件事主要是teh說明摩西ê gín-á補行了割禮。因為伊ê gín-á是tī米甸ê曠野出世,無受過割禮。用這方式teh說明伊ê家庭「以色列化」,是kah上帝立「永遠之約」。第三,割禮mā teh表明kah性命ê救贖有密切關係,割禮ê約,是teh表明上帝ê救恩。 第27到28節,上帝啟示亞倫去迎接摩西,á摩西kā上帝「a̍i伊到埃及去做ê一切事」,包括ài伊講,ài伊做ê事,lóng全部kā亞倫講。因為亞倫是伊ê副手,beh幫助伊傳達上帝ê信息。 第29到31節,chit三節ē-sái講是用後兄弟兩人tī埃及所講所做ê事之序言。 |