出埃及記 16章22節 到 16章30節   背景資料  上一筆  下一筆
Chit段經文開始講tio̍h安息日ê規定,一定tio̍h tī前一工kā食物準備起來,上帝會保護到第二工,hō͘嗎哪kah鵪鶉bē致使pháiⁿ掉。

第22到23節,摩西叫以色列人民tī第六天拾(khioh)兩工ê份,每人四公升。

第24到26節,摩西ài in tī第七工食第六天拾(khioh)儲存落來ê嗎哪,因為第七工是「獻hō͘上主ê安息聖日」,上帝bē降落食物,即使出去拾(khioh),mā bē有任何發見。「第七工是安息日」,chia in開始學習守安息日做聖日ê規律。了後,tī十誡中chiah明文規定(參考出埃及記二十:8—11)。

第27到30節,ná親像頭前提起過ê,lóng是有人不遵守chit-ê規定,m̄ kā上帝當真。Chit種人tī一個信仰團契中,真容易成做酵母,影響一個信仰團體ê規律。上帝koh一pái對摩西講第七工就是安息日,祂ài以色列人民kah祂仝款守安息日,m̄做工。

Tī一個無食物koh無水ê曠野之地, ài人民ē-tàng按照家己ê需要撿取食物,he卻m̄是一件簡單ê事。Beh訓練chit一陣tùi埃及ê奴隸生活環境中行出來ê百萬民眾對上帝有信心,除非有真強ê宗教信仰紀律,若無是真oh達tio̍h chit種境界ê。這mā就是我一再強調ê,出埃及記ê經冊所談ê主題是:宗教心靈ê改革。無敬虔ê宗教心,beh帶領一個缺乏食物,而且有外族人威脅生存性命ê團體,是無可能ê。

重新查詢 專卷研經 出埃及記系列
錯誤回報,請聯繫