Chit段經文真可能kah以色列人出埃及ê時ê經驗有密切關係。

「亞瑪力人」，照創世記第三十六章12節ê記載，是以掃ê後代。

摩西chhōa以色列人出埃及ê時，亞瑪力人bat趁in tī siōng脆弱ê時chūn來突擊以色列人民，m̄-koh被摩西派約書亞phah敗（參考出埃及記十七：8—16），後來摩西要求kā該場戰事hō͘記錄落來，hō͘後代kiáⁿ孫知影一定tio̍h kā此民族消滅。民數記第廿四章20節記載巴蘭ê預言中，bat講：「伊koh 看tio̍h 亞瑪力，就提起伊ê歌，講：亞瑪力本做chiah-ê 國ê 頭，(全民版)」tī士師ê時代，in bat聯合阿拉伯人kah米甸人侵入以色列（參考士師記六：33），先知撒母耳ê時代，bat吩咐以色列人tio̍h kā in消滅。撒母耳記上第三十章，記載大衛王bat親自率兵攻打亞瑪力人。因為亞瑪力人一直是以色列人民生存、安定ê威脅，因為án-ne申命記作者寫落來chit段經文ài後代kiáⁿ孫時刻記tiâu chit-ê tāi-chì，直到猶大王希西家時代，西緬支族ê後代chiah殲滅in（參考歷代志上四：41—43）。