申命記 14章22節 到 14章29節   背景資料  上一筆  下一筆
這是一段有關十分之一奉獻ê規定。Tī創世記第十四章20節,記載亞伯拉罕phah贏仗tńg來後,取出十分之一ê戰利品hō͘祭司麥基洗德。雅各tī伯特利ê時chūn,bat向上帝下願,ài kā上帝賜hō͘伊ê一切「獻上十分之一」(參考創世記廿八:22)。Tī本冊第十二章mā提起十分之一ê奉獻條例(參考第6節、第11節、第17節)。十分之一,teh代表一個基本ê意義:一切tùi上帝來,因為án-ne,應該有一份是屬tī上帝ê。換句話講,十分之一奉獻是teh提醒以色列人民m̄-thang bē記得上帝ê恩典。這十分之一有兩種用途:(1)是提供給利未人ê需要,(2)是為tio̍h幫助hiah-ê外僑、孤兒kah寡婦,mā就是當做賑濟sàn-chhiah人ê需要。

第22到26節,chia真清楚講tio̍h十分之一,是包括所有收入。農業時代siōng主要ê收入,就是農作物。有時chūn mā有工錢。M̄-koh lóng tio̍h提撥十分之一奉獻hō͘上帝。若是家畜á是大宗農作物,離敬拜上帝ê場所真遠,有帶上ê困難。Mā thang kā它變賣,kā錢帶到敬拜上帝ê場所當做奉獻。
第27到29節,chit三節清楚說明這十分之一ê奉獻用途,是為tio̍h beh賑濟外僑、孤兒,kah寡婦,mā包括無家己產業ê利未人。Á每三年最後一年之十分之一奉獻,全部用tī chia。

重新查詢 專卷研經 申命記系列
錯誤回報,請聯繫