申命記 10章1節 到 10章11節   背景資料  上一筆  下一筆
Chit章koh一pái提起上帝重新kah以色列人民立約ê經過,並且koh一pái提起遵守上帝頒佈ê誡命ê重要性。

Chit段經文mā thang參考出埃及記第三十四章1到10節。描寫兩件tāi-chì:一是上帝重新頒佈兩塊刻有十誡ê石版,koh講,是kā chit兩塊石版存khǹg tī特別製造ê約櫃中。

第1到5節,原本記載tī出埃及記第三十四章1到10節,是有關上帝吩咐摩西koh一pái接受新ê法版,因為原來ê法版已經被摩西摔碎了(參考九:17)。這法版是刻tio̍h上帝ê十誡,mā是以色列人律法ê基礎。M̄-koh tī chia mā會造約櫃ê事一併加入ê記事,是記載tī出埃及記第廿五章10 到22節。重新頒佈hō͘以色列人民兩塊十誡ê石版,表示上帝願意kah以色列人民重新和好。

第6到9節,除了記載亞倫往生,以及伊ê kiáⁿ以利亞撒續接擔任大祭司ê職務外,koh一pái重述利未人ê角色kah職分,m̄-nā是負責看守約櫃,mā tio̍h擔任祭司ê角色kah工作。約櫃,這是屬tī「上主ê」,因為án-ne其重要性不言thang知。因為它teh代表上帝臨在以色列人民中間。M̄-koh khah重要ê,是約櫃中存放tio̍h十誡,這teh代表上帝ê誡命。因為án-ne,若是無十誡石版,約櫃就無甚麼特別重要性。

第10到11節,仝款ê,chit pái摩西上山去領受上帝頒佈hō͘以色列人民一定tio̍h遵守ê律法命令,並且tio̍h繼續帶領以色列人民朝向迦南地ê方向行去。

重新查詢 專卷研經 申命記系列
錯誤回報,請聯繫