但以理書 7章15節 到 7章28節   背景資料  上一筆  下一筆
Chit段經文是上帝ê天使為但以理解釋伊所看見ê異象ê意思。

第15到16節,但以理因為看見異象而感覺「煩惱,非常不安」,因為án-ne伊請坐tī寶座前ê「一個侍從」為伊解釋所看見ê一切。

第17到18節,chit兩節是chit-ê侍從為但以理解釋伊所看見ê異象。

這「四頭獸」表示四個teh beh興起ê四個帝國,這是teh指巴比倫、米底亞、波斯、希臘等。Chit位侍從天使續落來講上帝ê子民會成做kui個世界ê中心,領導所有ê國家、民族、人民歸向上帝。

第19到20節,但以理向這為侍從天使表示伊想beh koh khah清楚有關「第四頭巨獸ê事」,因為chit隻怪獸竟然有十個角,而且tī chiah-ê角中會koh發出另外一個小角,然後chit-ê小角會kā另外ê角拔掉三個。Chit種怪獸到底beh說明ê是甚麼?tī chit隻怪獸ê身上有非常尖銳ê嘴齒,mā有真堅硬ê腳夠額踐踏hō͘伊咬傷ê對象。Chit-ê「小角有目睭kah講大話ê嘴巴,顯得比其他ê角koh khah驚人」。作者無明講chit-ê「角」就是安提阿哥四世,真可能就是hit時tú好就是伊用殘酷ê手路teh迫害猶太人,hō͘作者無法度明講。

第21到22節,重點就tī chit兩節,因為chit兩節提起chit-ê小角kah上帝ê子民phah起仗來,這真清楚表示出chit-ê角已經m̄是一般ê角,卻是會相戰ê「角」,因為án-ne,thang明白作者是用「角」來形容á是teh代表「國家」。M̄-koh卻看tio̍h chit-ê小角並無虛弱,敢kah上帝ê子民相戰,而且戰贏。只有強盛ê國家、民族chiah會有chit種企圖心。M̄-koh作者強調上帝一定會伸手出來拯救祂ê子民,會出來幫助祂受屈ê子民,為祂ê子民伸張正義。

第23節,侍從天使講「第四頭巨獸」就是「第四個帝國」,其實這是teh指希臘帝國,mā就是亞歷山大大帝所建立ê。這希臘帝國kah其他帝國無仝ê所在,包括它ê武力強大,ē-tàng併吞全世界,mā有能力蹂躪、粉碎全地。

第24到25節,chia指出後來興起ê chit-ê王真厲害,伊推翻了十個王中ê三個,而且是jú來jú有力量,mā因為án-ne敢用狂妄ê話藐視至高ê上帝。Chit-ê新出來ê王,就是頭前所講ê安提阿哥四世。其實chit本經冊主要目的就是teh述說chit-ê以殘酷手段逼害猶太人ê王,會遇tio̍h上帝嚴厲ê懲罰,因為án-ne,tùi第26到27節就是beh解釋上帝怎樣用祂奇異ê手懲罰chit-ê囂張ê王,並且永遠消滅伊。

值得注意ê是tī第25節提起安提阿哥四世會統治耶路撒冷長到「三年半」ê時間。就是tùi主前167年6月到主前164年12月,前後就是三年半久。

第26到27節,chit兩節ē-sái講是但以理書作者寫chit本冊ê主要用意,就是beh hō͘所有當時tī困境中ê人民知影,上帝一定會替祂ê子民伸冤,祂一定會「審判」這囂張狂傲ê統治者,並且beh「徹底消滅伊」。然後上帝beh hō͘祂ê「子民接收世界各國ê大權」,並且hō͘ in永遠統治全世界,chit對苦難中ê上帝子民來講是一件真ē-tàng鼓舞人ê信息。

第28節,但以理聽tio̍h chit種解釋了後,忽然感覺「非常驚惶,面色蒼白」,m̄-koh伊kā tùi侍從天使所詮釋ê異象ê意思「lóng存在心內」。


重新查詢 專卷研經 但以理書系列
錯誤回報,請聯繫