使徒行傳 28章16節 到 28章31節   背景資料  上一筆
使徒保羅受tio̍h好ê款待,並無被關tī監獄中,tùi第30 節thang看tio̍h,伊是家己sòe厝。Án-ne kah-he m̄是囚犯,m̄-koh卻是有囚犯ê身分。因為伊是hō͘分開ê,「kah看守伊ê hit-ê兵丁tòa另外一個所在」。使徒保羅雖然是囚犯,m̄-koh被非常禮遇。伊ē-tàng會見tī羅馬城ê猶太人ê領袖,可見tī chit城裡有bē少猶太人。使徒保羅會見chiah-ê猶太人領袖,mā是希望藉chit-ê機會向in傳福音。Koh講,伊mā希望chiah-ê khiā起tī羅馬城ê猶太人,會比耶路撒冷ê猶太人領袖koh khah理智,而mài傷害tī羅馬城ê基督徒。伊特別強調家己並無「做甚麼冒犯同胞,á是違背祖宗規矩ê事」。

第18到20節,使徒保羅清楚表明,雖然經過kúi-nā-pái ê審問,都無查出伊有犯甚麼罪,原本ē-tàng被tháu放,只因為「猶太人反對」,伊只好去訴到羅馬法庭來。

第21到22節,chiah-ê猶太人領袖ê回答說明兩件事:(1)耶路撒冷ê猶太人領袖並無kā使徒保羅ê事傳達過來。真可能是因為羅馬ê時常發生猶太人ê紛爭事件,令羅馬政府非常不悅,甚至後來發生羅馬皇帝克勞第驅逐猶太人出境ê事件(參考十八:2)。可能因為án-ne致使耶路撒冷當局m̄敢koh再kā使徒保羅ê事件傳送過去,釀成koh khah chē ê爭端。(2)羅馬ê猶太人領袖認為使徒保羅是屬tī另外一種教派,而且這教派ê時常受人攻擊。第23到24節,chia thang看tio̍h使徒保羅lóng無放棄任何thang傳福音ê機會,對chiah-ê猶太人領袖,伊是盡所ē-tàng ê見證上帝國度ê信息,並且引用「摩西律法kah先知書」ê教導,勸in信耶穌,雖然使徒保羅是tùi早到晚「向in講解上帝國度ê信息」,結果是「有ê信,有ê m̄信」。

第25到27節,對tī chit種反應,使徒保羅引用以賽亞書第六章9到10節ê經文,伊beh表明家己有盡責任kā福音傳hō͘ in。心硬ê人聽bē落去,拒絕福音。

第28到29節,使徒保羅koh一pái表明,猶太人拒絕福音,這福音就會hō͘外邦人先馳得點。因為使徒保羅chit種觀點,猶太人領袖中koh引起了劇烈ê爭辯。

第30到31節,使徒保羅tī羅馬當囚犯兩年時間,是只要有來訪人客,伊就向in傳福音,見證有關「耶穌基督ê事」,m̄-nā án-ne,伊真正受tio̍h極大ê禮遇,都無「受tio̍h甚麼阻礙」。Siōng特別ê所在,是使徒保羅家己租屋囚禁家己,用chit-má來講,就是「軟禁」,無法度外出,hō͘伊無法度koh再像過去仝款四界去傳福音。這租來當「監獄」ê厝是開放ê,thang接受來訪ê人,使徒保羅lóng會利用機會kah來訪ê人客談有關主耶穌ê事,宣揚上帝國度ê信息。Chit兩年時間ê租屋費用有可能是羅馬教會ê信徒所支持,m̄-koh khah可能是由腓立比教會全力提供,該教會甚至iáu差派以巴弗提去羅馬「監獄」服侍使徒保羅(參考腓立比書二:25)。

重新查詢 專卷研經 使徒行傳系列
錯誤回報,請聯繫