帖撒羅尼迦後書 2章1節 到 2章17節   背景資料  上一筆  下一筆
Chit章開始就koh一pái講tio̍h帖撒羅尼迦chit兩本書信ê中心主題,就是有關耶穌基督koh再臨ê問題。

第1到4節,tùi chit段經文thang看tio̍h帖撒羅尼迦教會mā tú-tio̍h有人假借末日來臨ê信息,kā家己當做神明。耶穌基督bat告誡祂ê門徒講ê:「『Lín tio̍h 謹慎,m̄ -thang hō͘ 人 kā lín 迷惑。 6 有真 chē 人會利用我ê 名, 講:『我是基督』, 來迷惑真chē 人。(全民版)」(馬可福音十三:5—6)tī帖撒羅尼迦教會內iáu可能有人自稱做上帝,chiah-ê人可能就是hiah-ê拒絕承認有上帝ê人,á是異教徒,in用自稱是上帝ê方式,來諷刺基督徒ê信仰。

第5到8節,tī chit段經文中,使徒保羅提醒帖撒羅尼迦教會信徒注意ê是ná「不法者ê氣力」,是tī暗中進行破壞ê事工,目前iáu m̄敢公開露面,因為有「阻止」ê氣力tī-.teh。Á這「阻止」ê氣力是甚麼?使徒保羅並無說明。M̄-koh伊真清楚表示:當主耶穌koh再臨來到ê時chūn,所顯示出來ê光輝,就ē-sái chiah-ê隱藏tī暗處阻擋福音ê信息,á是欺騙信徒ê惡質行踏lóng會出現。

第9到12節,chit段經文thang看出有kóa「不法者」ê人抱tio̍h身上ê某種特殊力量,就會四界招搖欺騙。In chit種惡質行踏,ná親像耶穌基督所指出ê,chiah-ê人會藉tio̍h耶穌基督ê名行神跡奇事,m̄-koh tī審判ê日子來臨ê時,耶穌基督會真清楚對chit種人表示m̄-bat in,並且講in是「作惡ê」人(參考馬太福音七:22—23)。這mā說明一件事:m̄是會行奇蹟異能就是tùi上帝來ê使者,á是上帝所揀選ê奴僕,有kóa人iáu是假冒上帝ê名,甚至是魔鬼ê化身neh!m̄-koh使徒保羅講,chiah-ê lóng teh beh tī主koh來臨ê時刻便顯現出來,而對hiah-ê持守真理ê人,即使有人誘惑伊,伊mā有力量阻擋chiah-ê迷惑人心ê詭計。

第13到17節,tī chit段經文中,使徒保羅強調上帝選召帖撒羅尼迦教會ê信徒,hō͘ in成做福音ê種籽,並且hō͘ in成做聖潔、得救ê子民。Koh講,揀選(呼召)siōng主要ê目的,就是hō͘被揀選者「有勇氣來宣傳kah實行一切美善ê事」,這就是見證上帝tī基督耶穌內面拯救ê慈愛。第15節提起傳福音除了口傳之外,iáu有書信。書信,乃是使徒保羅對今á日基督教會影響siōng深遠ê「利器」。伊勸勉帖撒羅尼迦教會信徒,務必要有堅定ê信心,mā tio̍h堅守tùi使徒保羅kah其他同工所教導in ê「真理」。

重新查詢 專卷研經 帖撒羅尼迦後書系列
錯誤回報,請聯繫