撒母耳記下 21章1節 到 21章14節   背景資料  上一筆  下一筆
撒母耳記下tùi第廿一章開始直到第廿四章,thang當做「附錄」看,原因是chit段經文ê記事,真oh知影事件發生ê時間,因為án-ne,tī編排上,並m̄是照年代發生ê前後,卻是根據主題來編排。而且chiah-ê事件之記錄方式,是採用對照編排法。Thang kā chit段經文分做六個段落,就是(A)第廿一章1到14節;(B)第廿一章15到22節;(C)第廿二章;(D)第廿三章1到7節;(E)第廿三章8到39節;(F)第廿四章。

因為tī編排上是採用「對照法」,因為án-ne,thang kā這六段經文án-ne對照來看:

(1)「A kah F」,就是「A」段ê第廿一章1到14節,有關掃羅後代被處死,kah「F」段ê第廿四章,大衛進行調查人口所帶來災難ê事件。這兩件事lóng是teh講述以色列發生災難,大衛怎樣去面對、處理chiah-ê災難。前者歸原因tī掃羅,後者則大衛本身。

(2)「B kah E」,就是「B」段ê大衛kah非利士人之間ê戰爭,kah「E」段ê第廿三章8到39節,有關大衛ê勇士名單。Chit兩段經文lóng teh描述大衛kah伊身邊眾勇士ê戰功。

(3)「C kah D」,就是「C」段ê第廿二章kah第廿三章1到7節,大衛o-ló上帝ê詩歌。特別是第廿二章ê詩歌,mā被收錄tī詩篇第十八篇中。因為án-ne,引起聖詩學者ê討論:到底是先有撒母耳記ê詩歌,iáu是先有詩篇ê o-ló詩歌?而「D」段mā是一首大衛ê詩歌,he是伊用詩歌寫出最後「遺言」。

Tùi chit段附錄經文mā thang看tio̍h所記錄ê,其實lóng是chìn前已經發生過ê事。為甚麼beh koh一pái重複敘述tī chit段長到四章ê篇幅中?這mā是一個聖經學者尚待處理ê問題。不過,mā thang看出kui本撒母耳記ê中心主題,主要teh說明上帝怎樣kā以色列人民,tùi一個鬆散無組織ê族群,透過先知撒母耳ê帶領,hō͘ in藉tio̍h對上帝ê忠心,重建一個有活力ê民族。然後,mā tī先知撒母耳ê手中建立君王制度,膏立掃羅為王。續落來,kā kui個主軸khǹg tī大衛身上。

Mā thang án-ne講,kui本撒母耳記上、下兩卷,ē-sái講是用大衛做中心,描述上帝怎樣帶領以色列民族,建立一個強盛ê國家。M̄-koh卻因為大衛無遵守上帝ê誡命,致使伊ê家庭kah kiáⁿ孫棄sak上帝ê jú來jú遠,這是一件非常可惜ê事。撒母耳記下卷就是用大衛統治全以色列國開始,到伊tī kiáⁿ押沙龍叛變奪取政權,到大衛重掌政權做結束。

第廿一章主要有兩個主題,一是敘述有關掃羅後代被處死ê背景;二是koh一pái敘述tī大衛領導下,以色列軍隊徹底hō͘非利士人m̄敢koh一pái侵犯以色列ê領土。

Chit段有關掃羅後代被處死ê事件,真可能是發生tī大衛chhōe掃羅kiáⁿ孫ê時,mā就是撒母耳記下第九章,有關大衛詢問約拿單家族ê事件了後,kah處理家己kiáⁿ押沙龍叛變chìn前。因為先有保護了約拿單kiáⁿ米非波設,chiah處理其他掃羅ê kiáⁿ孫,án-ne,既保護了約拿單ê厝內人,mā算是照約束應允照顧約拿單ê kiáⁿ孫。M̄-koh對掃羅其他ê厝內人,大衛用來當做伊kah基遍人之間ê糾葛。Chit件事mā反應出為甚麼便雅憫支族中掃羅家族ê人示每,伊會指責大衛是一個「刣人ê兇手」(參考十六:7),應該是kah chit件事有密切關係。

問題是:撒母耳記並無記載掃羅有過消滅基遍人ê行動?á是大衛任內有發生過嚴重饑荒ê事。有可能有過,m̄-koh無留落來記錄。

第1到3節,巴勒斯坦ê雨量本來就真少,因為án-ne,若是有長到「三年之久」無落雨,必定會鬧饑荒。因為這會成做國家大事,就án-ne詢問上帝造成大災難ê原因,結果是kah掃羅kah伊ê家族犯謀刣無辜ê—基遍人ê罪行有關。Chit件事到底是tī甚麼情況之下發生?無資料thang chhōe。雖然基遍人是迦南地ê原住民,m̄-koh約書亞記第九章15節記載:「kah基遍人訂了友好條約,答應不刣in。以色列ê眾首領mā鄭重chiù-chōa,beh遵守chit條約。」Tī本章第26節koh一pái強調。掃羅顯然有種族上ê偏見,無遵守約書亞所立ê約,因為án-ne犯下了謀害無辜ê基遍人ê行為,大衛因為án-ne對基遍人表示伊願意「補償」in以往所受ê「迫害」。

第4到6節,基遍人對大衛ê善意,m̄-koh in表明一個siōng基本ê性命觀:性命「m̄是金銀所ē-tàng解決ê」。Koh講,in講「咱mā無願意殺害以色列人」,chit句話表示in無想beh採用摩西律法中所規定ê,用性命還性命(參考出埃及記廿一:12、14),其實,當時是以色列siōng強盛ê時代,就算基遍人想beh報復mā難。M̄-koh大衛並無因為án-ne而疏忽in ê意見。究竟三年嚴重飢荒已經是teh表明上帝替基遍人伸冤ê一種警訊,因為án-ne,大衛隨時回應講:「我該為lín做甚麼?」chit句話充分表明大衛ê誠意,kah積極ê態度。就án-ne基遍人提出要求:只需由掃羅kiáⁿ孫中「交出七個男丁」。因為掃羅kah kiáⁿ lóng已經死去,無法度tùi掃羅kah伊kiáⁿ身上chhōe-tio̍h負責任ê人,只好以kiáⁿ孫中chhōe代替者「七個男丁」。會用「七」chit-ê數目,mā是teh代表象徵「全部」、「有夠」ê意思,in boài「一比一」ê懲罰,只需要有代表性就有夠。In beh kā chit「七個男丁」tī掃羅家鄉基比亞公開吊死表示懲罰,mā是一種警訊ài in bē-tàng koh再犯。大衛隨時同意in ê意見,因為若是災難不趕緊停止,死亡ê人數á是引發ê相關災難,比如瘟疫等,一定koh khah嚴重。

第7到9節,大衛保護約拿單ê kiáⁿ孫,m̄-koh卻kā掃羅bó͘利斯巴所生ê兩個kiáⁿ亞摩尼kah米非波設當做「賠償」祭品。另外iáu有就是掃羅cha-bó͘-kiáⁿ「米拉」所生ê五個kiáⁿ mā當做賠償。原本掃羅beh hō͘米拉嫁hō͘大衛ê,ē-sái講是後來掃羅食言,kā它改嫁hō͘「米何拉人亞得列」(參考撒母耳記上十八:19)。無想tio̍h chit pái卻反tńg被大衛當做「賠償」基遍人ê祭品。因為這是大衛下ê命令,無任何人敢反抗。Chit項執行ê時間是tī「晚春」ê時chūn,mā就是tī大約四到五月,hit時tú好是「開始收割大麥ê季節」。特別提起chit項懲罰時間,有意表明這事件一直被記念tio̍h。Mā就是每pái收割大麥季節來到,就會有人想起chit件事。Án-ne,mā有另外一種作用:警惕。作惡,雖然無隨時報應臨到己身,m̄-koh卻可能因為án-ne延禍到後代kiáⁿ孫。

第10到14節,kiáⁿ ê喪生siōng痛心ê就是老母利斯巴,伊用「麻布」搭起帳棚,表示哀悼kiáⁿ ê往生。「tùi收割大麥一直到降秋雨ê時chūn」,chit句話真清楚說明屍體一定tio̍h掛tī樹上,直到落雨來ê時chiah ē-tàng停止。而且時間非常長,chia指出直到「降秋雨」ê時chūn,這tú好表示因為chit項懲罰發生效用,mā說明連續三年ê饑荒(旱災),確實是kah chit件事有關。Koh講,chit段經文mā說明chit項懲罰並m̄是大衛ê心所願。因為án-ne,當大衛聽tio̍h利斯巴chit種舉止ê時,伊深受感動。決定採取具體行動,表示另外一種「補償」方式。伊kā掃羅kah約拿單ê屍體tùi「雅比」城(參考撒母耳記上三十一:11—13)帶tńg來重新埋葬。同時mā kā chit「七個被吊死ê人」之屍體,同齊收殮。這ē-sái講是一種禮遇。

值得注意ê,是chia強調大衛只有kā掃羅kah約拿單ê屍體搬運tńg來,m̄-koh當時掃羅ê三個kiáⁿ lóng戰死戰場。有一種解釋,認為約拿單是大kiáⁿ,因為án-ne,只寫約拿單mā表示三個kiáⁿ ê屍體kah掃羅ê,lóng全部搬運了tńg來。大衛kā掃羅一厝內人lóng安葬tī便雅憫族人ê境內,「洗拉」chit-ê所在,kah掃羅老父基士ê墳墓同齊,表示大衛對掃羅ê厝內人一個安慰kah交帶,mā表示大衛確實有照伊對掃羅家族ê應允(參考撒母耳記上廿四:21、22)。此後,以色列境內無koh發生饑荒ê事,mā無大災難ê事件發生(參考廿四:25),因為「上帝垂聽in為國家ê祈禱」。

重新查詢 專卷研經 撒母耳記下系列
錯誤回報,請聯繫