撒母耳記下tùi第十九章40節開始，一直到第二十章止，lóng是講tio̍h有關以色列民族內部南、北之間支派衝突問題。Chit種支派間ê不和諧，並m̄是始自大衛王朝，卻是早tī雅各時代就已經發生。咱tùi雅各對gín-á ê偏愛ē-tàng看出來，尤其是伊對便雅憫支派ê寵愛，koh khah hō͘以色列族群彼此之間hō͘ m̄信任並存在tio̍h敵意。

第40到43節這短短幾節經文，記載北部以色列支派ê人，認為大衛偏袒家己猶大支派ê人有所不滿。Tio̍h注意chia ê「以色列人」是teh指北部十個支派，並無包括猶大支族ê人在內。Chit段經文mā是為第二十章便雅憫人叛變ê事件先作了預告。

第40到41節，當北方以色列族群主動表示歡迎大衛tńg來耶路撒冷重新執政，而猶大支派ê人卻是得由大衛向祭司撒督kah亞比亞他提醒，koh再由兩位祭司轉告了後，chiah決定表態擁護大衛重新為王。「金罕kah王做伙」，這表示大衛確實履行了第38節所記載伊對巴西萊ê應允。Chit pái大衛beh過約旦河ê事，並無通知所有ê族群，只有大衛所屬ê猶大支族參與chit項「護送」ê任務，這事件引起以色列支派ê人極大不滿，因為án-ne，北部以色列支派ê人來向大衛抗議。

第42到43節，猶大支派ê人聽tio̍h北部以色列支派代表不滿，回答中表明大衛是in支派ê人。Koh講，in mā強調án-ne做，並m̄是因為有任何「好康」，只是純粹beh服事大衛王。M̄-koh chit種話聽tī北方以色列支派代表ê耳中，說服力非常薄弱。因為án-ne以色列支派ê代表提出反駁ê理由，一則in人數遠比猶大支派ê人chē。Chia ê「十倍」，意指北部有十個支派。Koh講，chiah-ê以色列人強調是in tāi先支持大衛復辟王位ê族群，而且認為猶大支派ê chit種作法，是藐視in。M̄-koh「猶大人ê態度比以色列人koh khah強硬」，chit種態度就是所講ê「硬拗」，kan-taⁿ會帶來koh khah深ê誤會kah衝突tī事無補。Á真正ē-tàng修復chit-ê積怨ê人就是大衛。M̄-koh伊顯然放任chit-ê tāi-chì滋生。