撒母耳記下 1章1節 到 1章16節   背景資料  下一筆
Chit章thang分做兩部分,一是第1到16節,有一個亞瑪力ê少年人來chhōe伊,kā伊講關係掃羅kah約拿單ê死訊,大衛聽tio̍h了後非常哀傷,特別是伊ê好朋友約拿單往生ê消息後,hō͘伊悲痛無停,m̄-koh當伊知影這少年人親自kā重傷ê掃羅殺害後,氣憤難消,馬上ài隨從鑿死hit-ê通報ê亞瑪力人。二是第17到27節,大衛為掃羅、約拿單ê死作了首詩記念。 

Chit段經文敘述有位亞瑪力ê少年人來通報大衛,hō͘伊知影掃羅kah伊ê kiáⁿ約拿單lóng往生à。伊並且kā大衛講,掃羅tī重傷teh beh往生前,伊聽從掃羅ê話,kā伊鑿死,為tio̍h beh證明伊所講ê,koh kā掃羅ê王冠kah手股頭上ê鐲子hō͘大衛證明。結果大衛聽tio̍h伊刣死掃羅,非常受氣,kā伊判處死刑。Chit段經文主要teh敘述大衛怎樣看待掃羅ê死訊,kah伊處理ê態度。撒母耳記作者一貫ê態度,就是beh敬重上帝揀選ê奴僕—君王、領袖,bē-tàng殺害(參考撒母耳記上廿四:6、10、廿六:9、11)。

Chit種資料kah撒母耳記上第三十一章ê資料有差別,因為án-ne,有聖經學者認為chit段經文是另外一個有關掃羅戰死戰場ê版本。

第1到2節,開始chia就講「掃羅死後」,chit-ê時代大約是tī主前1010年左右。伊ê死mā同時說明伊ê朝代結束,一個新ê朝代teh beh來臨,ná親像約書亞記第一章1節所寫ê「摩西死後」,新ê時代就是由約書亞領導。「大衛phah敗亞瑪力人」,chit件事記載tī撒母耳記上第三十章。Chit時ê大衛iáu khiā起tī洗革拉城。大衛tńg來到洗革拉城後ê「第三工」,有一個少年人tùi掃羅陣營中逃出來ê,伊是以色列國中ê「僑民」,伊用「拆裂了衫褲,掖灰tī家己頭殼頂」,表示心中非常哀傷,而且以「坦覆 (thán-phak)tī土腳」chit種非常尊敬大衛ê態度來到大衛面前。

第3到5節,大衛接見伊,並且開始詢問伊ê身分,當伊講是「tùi以色列軍中逃出來」,這已經充分說明以色列軍隊是戰敗了(參考撒母耳記上三十一:7)。伊而且hō͘大衛知影掃羅kah約拿單mā lóng死去,掃羅另兩個kiáⁿ亞比拿達、麥基‧舒亞mā lóng死去。大衛一聽tio̍h是「掃羅kah約拿單」,特別koh再確認chit-ê青年án怎知影in兩人ê身分。

第6到10節,chit段經文是chit位青年為tio̍h beh表示確認過掃羅ê身分,伊描述tāi-chì ê經過:(a)戰爭ê地點是tī基利波山。(b)伊帶來掃羅ê武器:矛。這支矛掃羅常帶在身邊(參考撒母耳記上十八:10、二十:33、廿六:7、11、12)。(c)伊被掃羅看見並叫伊停落來。(d)掃羅ài chit位青年kā伊「鑿死」。這原本是掃羅要求伊ê兵器侍衛官做ê事,m̄-koh掃羅ê侍衛官m̄敢做,結果掃羅家己坦覆 (thán-phak)tī家己ê刀上自刣來死(參考撒母耳記上三十一:4)。以上chiah-ê資料lóng thang確認掃羅ê身分。M̄-koh tī chiah-ê資料中比較需要注意ê一點:chia所講ê kah撒母耳記上第三十一章4到5節所記載ê並無相仝,因為án-ne,有一個可能是掃羅自刣並無成功。M̄-koh chit位侍衛官卻因為看見掃羅仆tī刀上,伊就認為國王已經死去,伊mā tòe自刣。因為án-ne,tī掃羅iáu有一點氣息ê時,忽然看見家己ê士兵,就án-ne命令chit-ê亞瑪力人ê以色列士兵kā伊刣死。不過mā有另外一個可能,就是chit-ê少年ê亞瑪力人講白賊,並無據實以告。伊可能看tio̍h掃羅已經死去,身軀仆tī刀上,就án-ne伊就上前取落來掃羅ê頭殼頂ê王冠kah手股頭上ê金鐲子,想beh the̍h去向大衛邀功,認為án-ne thang欺騙會過大衛。因為掃羅既然無想beh死tī「未受割禮ê人」ê手上,伊怎樣可能ài一個mā仝款是「未受割禮」ê亞瑪力人來刣死伊?問題是chit位少年ê亞瑪力人認為掃羅「橫直活不了」,tùi chit句話就thang看出伊對掃羅是一點á敬意mā無。M̄-koh伊認為取落來掃羅頭殼頂ê王冠kah手股頭殼頂ê金環,thang取悅大衛,認為án-ne大衛會戴上王冠,自稱做王。M̄-koh伊bē記得,chit種取落來國王頭殼頂ê王冠kah手股頭ê金鐲子,是一種戰勝者chiah會有ê動作。伊án-ne做,並m̄是心存敬意,卻是帶鄙視(siùⁿ)。

第11到12節,大衛聽tio̍h chit-ê消息了後,悲痛至極地「拆裂了衫褲」,而且禁食到暗時,而且伊ê部屬lóng kah伊仝款。過去bat有過兩pái大衛本thang刣死掃羅,m̄-koh都無下手,只因為為掃羅是上帝所揀選ê君王。因為án-ne,大衛ê部屬一定知影對上帝揀選ê君王,beh hō͘ in基本ê尊重。

第13到16節,tī第3節,大衛問chit-ê少年人是「tùi tó位來」?chit-má則問伊「tó位人」?而這少年人特別強調是「僑民」。大衛非常受氣問伊「怎樣敢刣上主所選立ê王」?這tī頭前已經kúi-nā pái敘述過,chit-ê tāi-chì一直是大衛所強調萬萬bē-tàng行ê事。就án-ne大衛下令kā chit位來報信ê少年亞瑪力人「刣死」。這kah伊原來ê想beh得tio̍h報酬(參考撒母耳記下四:10),結果tú好是顛倒。Tī大衛ê觀點裡,chit位亞瑪力人所犯ê罪,等於是謀刣,嚴重性kah叛亂仝款。伊koh一pái強調絕對bē-tàng「刣死上主選立ê王」。其實,chit點mā是以色列文化中,非常重要ê一個基本信念:對上帝揀選ê奴僕,表達至koân ê敬意。Koh講,若是大衛無chit種處置,伊可能會hō͘懷疑是伊派chit-ê亞瑪力人去殺害掃羅,這會hō͘伊陷入困境中。因為掃羅雖然往生,m̄-koh伊ê kiáⁿ他施波設kah大元帥押尼珥iáu teh,必定會藉口煽動以色列人反tńg來對抗大衛。

重新查詢 專卷研經 撒母耳記下系列
錯誤回報,請聯繫