撒母耳記上 25章1節 到 25章19節   背景資料  上一筆  下一筆
Chit章主要teh說明大衛是一個有智慧ê人,而拿八ná親像掃羅仝款,是一個愚戇者。大衛雖然出身貧寒,卻充滿tio̍h智慧;伊無權勢,m̄-koh是一個真有才華ê領導者,因為án-ne,ē-tàng tī真短ê時間內,就聚集了用百計算ê跟隨者,而且ē-tàng kā chit批跟隨者訓練成驍勇善戰ê軍人。相對tī大衛,拿八kah掃羅仝款,雖擁有財富kah權勢,卻無智慧,因為án-ne顯現出來ê姿態只是「凶惡粗暴」ê樣式,tùi 拿八ê身上thang看出掃羅ê款。掃羅是一個「chhōe索者」(參考廿三:14),相對ê,大衛是一個「被chhōe索者」。Á 拿八ná親像掃羅仝款,伊用無仝ê方式對待大衛,拒絕hō͘ in大衛任何協助,並且tī大衛奴僕面前,用褻瀆ê話語侮辱大衛。M̄-koh結果受tio̍h上帝懲罰而喪失性命。

Chit章ê重要主題是:大衛chiah是上帝所選立ê君王。任何人想beh殘害上帝所選立ê君王,lóng會hō͘ 上帝所消滅。Chit章mā teh說明:大衛kah猶大支族之間會建立親密ê關係,就是tùi大衛kah亞比該結婚開始。因為亞比該繼承拿八ê產業,而且伊是一個有智慧ê cha-bó͘人。因為án-ne,大衛後來ê發展kah亞比該有絕對ê關係。

Chit段經文一開始先交帶先知撒母耳往生,然後開始記載大衛tùi隱‧基底逃到巴蘭ê荒野去bih起來以逃避掃羅ê chhōe索。大衛知影拿八有淡薄á有財力,希望ē-tàng得tio̍h 拿八ê資助,卻被拿八以藐視ê態度回應ê經過。

第1節,簡單ê一句話,說明先知撒母耳時代已經結束。距離頂pái記載先知撒母耳ê事,是tī第十九章18到24節,大衛逃到拉瑪去見先知撒母耳,走chhōe伊ê協助。Chit段經文未出現先知撒母耳ê làng縫中,說明一個重要信息:君王ê時代正式來臨,而先知ê角色退居幕後,無koh是領導者,卻是輔佐者,甚至是監督者。Chia只有講所有以色列人為伊舉哀,m̄-koh並無提起掃羅出席chit項哀悼ê行列,mā說明tī掃羅執政ê時代,先知ê角色已經hō͘伊所疏忽。

第2到3節,「迦勒宗族」,迦勒ê老父耶孚尼,原本並無屬tī猶大支族,卻是屬tī基尼洗人(參考民數記三十二:12)。後來併入猶大支族,並且發展得真好,而成做猶大支族ê一支。後來迦勒iáu代表猶大支族,kah嫩ê kiáⁿ約書亞同時被摩西差派去窺探迦南地,伊kah約書亞仝款主張應該進攻迦南地(參考民數記十三:3—15、十四:5—10)。「拿八」就是迦勒宗族ê人,tùi「瑪雲城」來。Á chit-ê所在是大衛kah伊部下過去bih起來ê所在(參考廿三:24)。伊是一個富有ê商人,m̄-koh卻是一個「凶惡粗暴」ê人。M̄-koh伊卻有一個kah伊性格完全顛倒ê bó͘亞比該,chit-ê名原本有「老父ê歡喜」,可見伊出世ê時,hō͘伊ê老父非常歡喜,mā因為án-ne hō͘伊ê名有含「súi賢慧」ê意思。

第4到8節,大衛聽tio̍h 拿八是一個富有ê商人。因為án-ne,大衛利用chit時chūn,差派奴僕去見拿八,除了向伊表示「敬意」之外,主要是希望得tio̍h 拿八ê tńg來饋,大衛因為「保護」伊ê事業(參考第7節)。作者tī chia講「剪羊毛」ê時,mā表示chit地區真平靜,無受tio̍h干涉攪擾,chiah ē-tàng hō͘ chit節期照常舉行。Á ē-tàng有chit種平靜、節期活動,tú好講出大衛ê勢力tī chit所在有安定ê作用。大衛ài奴僕轉達伊ê意思hō͘ 拿八,主要有:一是拿八ê事業ē-tàng順利,無受強盜、盜賊、外族人ê干涉攪擾,lóng是kah伊ê保護有關。二是因為有大衛ê保護,拿八ê奴僕thang安心做事業。Chit點tùi第15節拿八ê奴僕向亞比該講ê話看會出來。三是希望拿八ē-tàng tùi獲利中,出資支持大衛ê需要。

第9到11節,chiah-ê奴僕是「以大衛ê名義」去向拿八說明chit件事。換句話講,大衛是完全授權hō͘ chiah-ê奴僕。Á tùi「甚麼人是大衛?甚麼人是耶西ê kiáⁿ?」chiah-ê話就thang看tio̍h 拿八回答ê話表示出伊根本就m̄ kā大衛khǹg tī眼裡。伊甚至用「逃亡ê奴隸」chit種話來暗示大衛ê身分卑微,因為án-ne,用chit句「hiah-ê m̄知tùi tó位來ê人」,表示伊kah大衛之間根本就無任何關係thang講。意思講白了,就是伊bē幫助大衛。

第12到13節,大衛ê chiah-ê奴僕聽拿八ê話了後,並無隨時用暴力相向,卻是tńg去厝裡向大衛報告。聖經作者用chit種方式teh表明,大衛ê chiah-ê奴僕是受過嚴格訓練,bē隨便出手傷害別人。這mā是為甚麼拿八ê奴僕顧羊群、cheng-seⁿ動物ê時,無受tio̍h任何干涉攪擾ê原因(參考第15節)。M̄-koh大衛無法度忍受拿八chit種侮辱。因為án-ne,伊準備ài帶四百個奴僕配戴tio̍h武器去對付拿八。

第14到17節,拿八厝裡有一個奴僕趕緊kā kui個tāi-chì ê經過一五一十地向拿八ê bó͘亞比該報告。這奴僕ê報告有幾點值得注意ê所在:一是拿八污辱了大衛。二是teh指大衛真正對拿八真好,因為伊ê事業ē-tàng順利,lóng是tī大衛庇護之下chiah享受ê。三是拿八ê態度表明伊是一個忘恩負義ê人。這奴僕提醒女主人亞比該,若無趕緊修補chit件事,án-ne發展落去,可能會為主人ê厝帶來「災難」。四是這奴僕提醒亞比該,講拿八「主人真凶,甚麼人ê話伊lóng m̄聽」,chit句話回應第3節所描述ê 拿八。

第18到19節,tùi第18節開始,到第31節止,角色lóng khǹg tī亞比該ê身上,描述伊是án怎ê聰明、伶俐,koh賢慧。Tī chia講亞比該聽奴僕ê描述後,隨時有反應,馬上著手進行修補關係ê工作。伊帶賠罪禮品包括「兩百塊餅,兩皮袋酒,五隻烘好ê羊,十七公斤烘熟ê麥á,一百串葡萄乾,kah兩百塊無花果餅等物件,chhōa奴僕同行beh去見大衛,beh向伊賠罪。伊hō͘奴僕行tī頭前,伊行tī後面,這有兩個作用:一是thang測知大衛是m̄是會殺害奴僕。二是用chit種方式先消弭大衛ê受氣。

重新查詢 專卷研經 撒母耳記上系列
錯誤回報,請聯繫