撒母耳記上 14章24節 到 14章46節   背景資料  上一筆  下一筆
Chit段經文koh一pái顯示掃羅無適合繼續當以色列人民ê王,作者用chit種方式詮釋掃羅已經會失去上帝ê賜福,因為án-ne,伊m̄-nā失去正確ê判斷力,mā無koh像過去仝款有帶領以色列人民ê能力。雖然以色列人民bat因為上帝ê幫助得tio̍h戰爭,m̄-koh並無因為戰勝而享受tio̍h勝利ê果子,相對ê,以色列ê眾兵丁lóng是tī非常倦tah-tah之下,顯露出對掃羅ê不滿,甚至敢公開反對伊beh刣死家己ê kiáⁿ約拿單ê命令。 

第24到28節,chit段經文已經說明掃羅不體貼部屬ê困難,下了嚴厲ê禁止令,不准tī戰事結束前食任何物件,m̄-koh chit種禁止令是違反了作戰士兵ê實際需要。M̄-koh無聽tio̍h命令ê約拿單違背食了蜂蜜,mā聽tio̍h兵丁都無得食。

第29到30節,約拿單認為老父掃羅所下ê禁令是錯誤 ê,bē合情理。

第31到35節,奮勇相刣ê兵丁,因為phah了勝仗,雖然iáu未全部phah贏,ē-sái講是已經是擊退了非利士人,大家lóng餓到極點ê時,有ê兵丁tùi戰利品中the̍h出羊、牛等宰刣食了充飢,m̄-koh因為兵丁無注意bē-sái食帶血ê肉,chit點掃羅知影了後,大大tio̍h驚,chiah趕緊開放hō͘兵丁食食物,mā同時下令禁止食帶有血ê肉。

第36到40節,當以色列軍隊lóng食過,而且充滿精神體力了後,掃羅koh想beh繼續出兵攻打非利士人。M̄-koh祭司提醒伊一定tio̍h先詢問上帝ê旨意。Ē-sái講是無論怎樣問都無結果。掃羅認為一定是有人犯罪chiah bē得tio̍h上帝ê 回音。因為án-ne,下令tio̍h查到底是甚麼人犯罪?

第41到44節,就án-ne掃羅詢問上帝,伊甚至表示就算是伊á是伊kiáⁿ約拿單犯罪,伊懇求上帝用土明á是烏陵回答,用抽籤來表示,結果抽中了約拿單,掃羅問約拿單到底做kóa甚麼事。約拿單承認是因為違背掃羅ê誓言,食了蜂蜜。掃羅因為án-ne決定beh刣死約拿單。

第45到46節,m̄-koh掃羅下令tio̍h處死約拿單ê時,以色列人民卻堅持反對,並認為約拿單ē-tàng phah敗非利士人,完全是靠上帝ê幫助chiah有ê結果。掃羅因為án-ne決定無koh追擊非利士人帶兵tńg去。

重新查詢 專卷研經 撒母耳記上系列
錯誤回報,請聯繫