歷代志上 21章16節 到 22章1節   背景資料  上一筆  下一筆
Chit段經文記載大衛怎樣用錢買來一塊地,起造祭壇敬拜上帝,表示認錯。Á chit塊地就是後來建造聖殿ê用地。Chit段經文siōng重要ê是tī第廿二章1節,主要說明chit塊phah麥場,就是建造聖殿ê所在,原因tī原本是上帝beh毀滅ê耶路撒冷城,chit-má則成做敬拜上帝ê所在,beh表明ê是「上帝有豐盛ê憐憫」(參考廿一:13)。

第16到17節,chit兩節說明大衛kah長老lóng穿tio̍h麻衣,表示懺悔認罪,而就tī chit時chūn,伊看見teh執行上帝命令ê天使,正準備ài對耶路撒冷進行摧毀ê懲罰。Chit時大衛隨時向天使求情,不beh hō͘人民受罪,伊承認家己做m̄-tio̍h去事,家己kah全家lóng願意hō͘上帝懲罰。

第18到22節,天使轉告上帝ê旨意hō͘先知迦得,ài伊去轉告hō͘大衛王,ài大衛王去天使停留ê亞勞拿ê phah麥場。大衛王照先知迦得傳hō͘伊ê信息,照指示去à。當亞勞拿看見大衛王行到伊ê phah麥場,chit時大衛王向亞勞拿表示beh購買伊ê phah麥場,伊一定會按照公定價錢買之。

第23到26節,亞勞拿聽了後,m̄-nā ài kā chit片phah麥場送hō͘大衛,而且還願意提供牛當做燒化祭。M̄-koh大衛m̄肯án-ne做,伊堅持一定會用買ê,因為伊無願意奉獻白白得來ê祭牲。因為án-ne,伊用六百塊銀á買了亞勞拿ê土地,然後tī he塊土地頂面建造一座祭壇,tī chit祭壇頂獻燒化祭和平安祭。

第27節到第廿二章1節,上帝就因為án-ne ài天使收起執行ê劍。Tùi án-ne大衛m̄敢koh再tńg去基遍敬拜上帝ê場所去敬拜上帝,因為伊驚天使懲罰伊。伊並且做一個真重要ê決定,ài tī向亞勞拿買來ê chit片土地頂面蓋聖殿。

重新查詢 專卷研經 歷代志上系列
錯誤回報,請聯繫