歷代志上 10章1節 到 10章7節   背景資料  上一筆  下一筆
Chit章主要描述掃羅領兵teh對抗非利士人ê時chūn,伊kah三個kiáⁿ lóng因為án-ne戰死戰場。詳細ê情景thang參考撒母耳記上第三十一章。Mā thang看出chit章是為第十一章ê大衛王朝故事作準備。詳細kā chit章對照撒母耳記第三十一章所記載ê,就會發見兩章ê內容是大同小異,只是歷代志ê作者以第13到14兩節,講掃羅王會戰死ê原因,是對上帝不忠ê緣故。Chit點mā是歷代志作者編輯chit本冊ê中心思想,kah列王記ê作者態度仝款。In lóng有一個共同ê觀點:對上帝忠實,chiah是生存ê唯一之道。棄sak上帝,棄sak上帝ê教示,等於自取滅亡。伊以掃羅「求問死人ê靈,而不求問上主」來說明掃羅ê家族kah tī in統治之下,以色列人民tú-tio̍h災難ê原因。作者主要目的是beh警惕後代ê統治者,chit點thang tùi作者用「因為án-ne上帝刣死伊」chit句話看出來,掃羅ê死,其實就是上帝ê意思,為tio̍h是beh懲罰伊ê背叛。

Tī撒母耳記上第廿八章1節就先提起「非利士人召集軍隊攻打以色列人」,然後tī第廿九章1節講:「腓利士人聚集in ê 軍兵來到亞弗;以色列人紮營tī 耶斯列ê水泉邊。(全民版)」續落來tī第11節koh講「非利士人繼續向耶斯列進軍」。chit-má chia講兩軍tī基利波山相戰。Á以色列人死傷慘重。

第1節,非利士人ē-sái講是以色列人民進入迦南地khiā起了後,siōng大ê威脅,in不時攪擾、侵犯以色列人,而且統治ê時ê手段非常強猛。Chia講in kah以色列人民相戰,以色列軍隊是死傷慘重,大家lóng逃走à。Chia講連國王掃羅kah伊ê三個kiáⁿ mā lóng逃走。

第2到3節,chit兩節講掃羅tī逃走途中因為被箭射中而受了重傷,而伊ê三個kiáⁿ:約拿單、亞比拿達,kah麥基‧舒亞等lóng被非利士人刣死。

第4到7節,掃羅因為身受重傷,伊無想beh被非利士人刣死,就請伊ê侍衛kā伊刣死,因為伊驚被俘擄ê時,iáu會hō͘凌辱。Ē-sái講是伊ê侍衛m̄敢對伊下手,掃羅只好家己動手,伊伏tī家己ê刀上「自刣」。就án-ne結束loh掃羅ê統治時代,mā因為án-ne,耶斯列城ê以色列人民lóng棄城逃走,hit-ê城因為án-ne陷入非利士人手中。


重新查詢 專卷研經 歷代志上系列
錯誤回報,請聯繫