以西結書 41章21節 到 41章26節 背景資料 上一筆 下一筆 |
Chit段經文談起聖所內ê祭壇,以及聖所kah至聖所中ê門扇。 第21節,「聖所ê門柱是四方ê」,tùi開始,先知以西結所看見ê kui個聖殿lóng是四方ê,連聖所ê門柱mā是。 第22節,teh進入「至聖所」chìn前,有一座「像木製ê祭壇」,chit種壇tī摩西時代是屬tī「香壇」,chit-ê壇是「pái tī上主面前ê桌á」,這可能是「供餅ê桌á」,每工lóng需要更換新ê餅,表明每工lóng需要來到上帝面前,領受上帝ê賜福。 第23到24節,chit兩節講tio̍h「聖所kah至聖所各有一個門」,而且「每一門lóng是雙扇ê」,表示這門全phah開ê時chūn,bē佔領真大ê空間;mā thang用來管制出入,hō͘門不到開到siuⁿ大。 第25節,chiah-ê「門上lóng有雕刻tio̍h棕樹kah ki-lō͘-pek」,表示有上帝ê天使teh看守tio̍h。 第26節,chiah-ê設tī「前堂兩pêng ê廂房lóng有小窗」,主要就是透光,m̄-koh聖所內就無窗戶thang透光à。 |