馬太福音 28章1節 到 28章9節 背景資料 上一筆 下一筆 |
是婦女tāi先看tio̍h koh活ê主耶穌,m̄是門徒。而且iáu是in kā耶穌koh活ê信息傳達hō͘眾門徒知影ê。 「強烈ê地動」發生,「主ê天使tùi天頂降落來」,天使「Kā石頭滾開」。「容貌像sìh-nà」以及潔白ê衫褲,這真親像耶穌chhōa三個門徒上山去祈禱ê時,耶穌變形像ê樣式(參考馬太福音十七:5)。 第5到7節,這是天使對chit兩位馬利亞講,ài in去kā門徒講耶穌已經koh活,而且beh tī加利利kah in相會。耶穌被釘十字架ê時chūn,門徒先走。M̄-koh,chiah-ê婦女是留落來,而且看守到耶穌死去,被埋葬。門徒iáu teh bih起來ê時,眾婦女則勇敢去探墓,結果in tāi先知影耶穌koh活ê大好消息,兩個之間cheng差好大ah! 第8到10節,koh活ê耶穌親自顯現hō͘ chit兩位婦女看,koh一pái叮嚀in去kā門徒講。Tio̍h注意第9節,chia講婦女「攬耶穌ê腳拜祂」,表示koh活ê耶穌是實體ê koh活,m̄是虛幻ê,á是一般人所講ê只有「靈魂」。 |