出埃及記 26章15節 到 26章30節 背景資料 上一筆 下一筆 |
講tio̍h有關聖幕ê骨架。 第15到25節,骨架基本是有榫頭當做連結。Án-ne,拔營ê時chūn,mā比較容易拆開。第18節講聖幕ê南面,kah第20節ê北面,以及第22節提起幕ê後面是「西面」,án-ne正門口就是tī東面。 第26到30節,骨架kah支柱lóng是用黃金包裹起來,底部全lóng用銀á製造,ē-tàng看出kui個聖幕就是「金銀」kah麻紗、羊毛織成ê。黃金tī建造「聖幕」材料中佔重要ê份量,m̄-nā是因為黃金貴重,它koh khah是防止腐蝕siōng好ê建材。第30節強調這是照上帝指示摩西ê樣式去做ê。 |