路加福音 20章27節 到 20章40節 背景資料 上一筆 下一筆 |
撒都該人來見耶穌,in是屬tī祭司階級ê貴族,耶路撒冷聖殿主要就是由in負責管理,包括祭典,以及維持聖殿ê「神聖」,in mā 是猶太人siōng koân議會ê成員之一。 Tī in ê觀念中,koh活ê信仰是荒謬ê。因為án-ne,in採用摩西律法規定ê「兄終弟kah」(參考申命記廿五:5— 10),設計chit-ê問題來問耶穌。耶穌ê回答真清楚,ài撒都該人知影,以人ê看法teh看上帝ê工作,cheng差是真遠ê。人ê性命是上帝所造,mā是上帝teh管理,因 此,koh活了後ê性命mā是上帝teh管理。有一點是真重要ê:koh活ê世界,並m̄是現今世間ê延伸,卻是完全屬tī上帝ê。 |