馬太福音 16章5節 到 16章12節 背景資料 上一筆 下一筆 |
耶穌形容法利賽人kah撒都該人是「酵母」,這是真嚴厲ê評語。因為酵母,是teh指一種已經敗壞 ê物件。耶穌用酵母比擬chit兩種人,表示in真虛假,只是外表好看,內面空洞、不實在,甚至是已經發酸敗壞 ê。 第8到10節,耶穌對tī門徒煩惱bē記得帶餅ê事,講in是「信心siuⁿ過細」,因為in lóng bat看見耶穌用「五塊餅二尾魚」分hō͘超過五千人食飽,而且後來koh bat用「七個餅」hō͘四千餘人食飽,tī chit-ê兩則神跡中m̄-nā人人食飽,而且lóng有chhun。 第11到12節,耶穌ài門徒mài學習頂面所講chit兩種猶太人領袖,kan-taⁿ會看tio̍h外表,á是重視外表之物,卻bē記得tī chiah-ê神跡ê背後所表明ê意義。 |