申命記 16章9節 到 16章12節 背景資料 上一筆 下一筆 |
Chit段經文是關係收成節ê規定,mā是Pôaⁿ過節後面ê第二大節期,這收成節koh名「七七節」,mā就是後來ê「五旬節」,是採收五穀雜糧等農作物開始ê時間。 第9到10節,這是tùi Pôaⁿ過節過了後開始算第七個禮拜。Chit時tio̍h獻上ê禮物,就是初熟ê農作物,表示感謝上帝賞賜。Chit節期只有一工。因為án-ne,獻上感謝了後,就開始進行採收ê工作。 第11到12節,慶祝chit節期,一定tio̍h kah所有tòa做伙ê人,除了厝裡ê親人外,mā tio̍h kah貧困ê孤兒、寡婦、外僑(寄居者),以及無土地thang種植ê利未人同齊慶祝chit節期活動。Mā koh一pái提醒tio̍h舉行慶祝,是因為離開埃及,進入迦南地,teh過自由ê生活,因為上帝賞賜chiah ē-tàng有土地thang種作。 |