約書亞記 12章7節 到 12章24節 背景資料 上一筆 下一筆 |
Chit段經文是描述約書亞ê部分,mā就是pôaⁿ過約旦河,tī西岸整片迦南地所進行ê征戰。 第7到8節,chit片屬tī迦南地ê部分,chit兩節所講ê tú好kah第十一章17節ê記載反向;tī第十一章是tùi南部往北部寫,chia tùi北部ê黎巴嫩寫到南邊ê以東附近ê哈拉山。Chia koh一pái提起原本khiā起tī chit塊地區ê族群名,包括有:赫人、亞摩利人、迦南人、比利洗人、希未人,kah耶布斯人。 第9到24節,提起ê族群koh khah chē,共計載三十一個部落。這mā是後來以色列人tī迦南地非常辛苦ê原因,因為chiah-ê族群並m̄是完全消滅。耶布斯人所佔領ê耶路撒冷,一直到大衛王ê時期chiah攻佔落來。 |