| 章节 | 红皮圣经全罗经文 | 注释 |
| 1:1 | Góa sī Pó-lô, chiàu Siōng-chú ê chí-ì, chò Ki-tok Iâ-so͘ ê Sù-tô͘, ūi boeh thoân in-ūi sìn Ki-tok Iâ-so͘ lâi tit-tio̍h sèⁿ-miā ê èng-ún, | 注释 串珠 原文 典藏 |
| 1:2 | siá phe hō͘ góa só͘ thiàⁿ ê kiáⁿ Thê-mô͘-thài.
Goān lí tùi Thian-hū Siōng-chú kap lán ê Chú Ki-tok Iâ-so͘ tit-tio̍h in-hūi, jîn-chû kap pêng-an.
| 注释 串珠 原文 典藏 |
| 1:3 | Kám-un kap Kó͘-lēGóa kám-siā Siōng-chú, chiū-sī chhin-chhiūⁿ góa ê chó͘-sian ēng sûn-kiat ê liông-sim teh sū-hōng ê Siōng-chú, góa mê-ji̍t chāi kî-tó tiong put-sî teh thè lí kî-kiû. | 注释 串珠 原文 典藏 |
| 1:4 | Góa nā siūⁿ-khí kap lí lī-pia̍t ê sî, lí só͘ lâu ê ba̍k-sái, góa chiū chin ài boeh khì kìⁿ lí; kìⁿ-tio̍h lí, góa chiū ē móa-sim hoaⁿ-hí. | 注释 串珠 原文 典藏 |
| 1:5 | Góa ē-kì-tit lí ū sêng-si̍t ê sìn-gióng. Chit ê sìn-gióng sī lí ê gōa-má Lô-í kap lí ê lāu-bó Iú-nî-ki khah-chá chiū ū ê, iah góa khak-sìn lí chím-má iā ū chit ê sìn-gióng. | 注释 串珠 原文 典藏 |
| 1:6 | In-ūi án-ne, góa thê-chhéⁿ lí tio̍h-ài chiong Siōng-chú ēng góa ê àn-chhiú só͘ sù hō͘ lí ê in-sù, koh tiám-to̍h khí-lâi. | 注释 串珠 原文 典藏 |
| 1:7 | In-ūi Siōng-chú só͘ siúⁿ-sù lán ê Sèng Lêng, m̄-sī boeh hō͘ lán bô táⁿ, tian-tò sī boeh hō͘ lán ū khùi-la̍t, hō͘ lán ū jîn-ài kap ū chū-chè.
| 注释 串珠 原文 典藏 |
| 1:8 | Só͘-í kā lán ê Chú chò-chèng, m̄-thang siūⁿ-chò kiàn-siàu, iā m̄-thang in-ūi góa ūi-tio̍h Chú chò siû-hoān lâi kám-kak kiàn-siàu; tian-tò tio̍h óa-khò Siōng-chú ê koân-lêng, ūi-tio̍h Hok-im lâi chò-hóe siū-khó͘. | 注释 串珠 原文 典藏 |
| 1:9 | Siōng-chú kiù lán, ēng sèng-tiàu lâi tiàu lán, m̄-sī chiàu lán ê hêng-ûi, sī chiàu I ka-tī ê chí-ì kap in-hūi. Chit ê in-hūi sī bān-sè í-chêng Siōng-chú thong-kòe Ki-tok Iâ-so͘ siúⁿ-sù lán ê. | 注释 串珠 原文 典藏 |
| 1:10 | Tān-sī chit ê in-hūi hiān-chāi chioh lán ê Kiù-chú Ki-tok Iâ-so͘ ê hián-hiān, í-keng piáu-bêng chhut-lâi hō͘ lán khòaⁿ à. Ki-tok í-keng hòe-tî sí-bông, thong-kòe Hok-im, I hián-sī bē sí-bia̍t ê sèⁿ-miā.
| 注释 串珠 原文 典藏 |
| 1:11 | Góa sī ūi-tio̍h chit ê Hok-im pī jīm-bēng chò soan-pò-chiá, chò Sù-tô͘, chò kàu-su. | 注释 串珠 原文 典藏 |
| 1:12 | Iā ūi-tio̍h chit ê lí-iû, góa teh jím-siū chiah-ê khó͘-lān, tān-sī góa bô kám-kak kiàn-siàu, in-ūi góa bat Hit-ūi góa só͘ sìn-nāi(**lāi) ê, iā khak-sìn I ē chiong I só͘ kau-thok góa ê, kā góa pó-siú kàu hit chi̍t ji̍t. | 注释 串珠 原文 典藏 |
| 1:13 | Tio̍h ēng lán sìn Ki-tok Iâ-so͘ ê sìn-sim kap jîn-ài, tio̍h ēng lí tùi góa só͘ thiaⁿ ê kiān-choân ê kàu-hùn chò bô͘-hoān. | 注释 串珠 原文 典藏 |
| 1:14 | Tio̍h óa-khò tòa tī lán ê sim-lāi ê Sèng Lêng lâi pó-siú Siōng-chú só͘ kau-thok lí ê hó-sū.
| 注释 串珠 原文 典藏 |
| 1:15 | Lí só͘ chai-iáⁿ, tòa tī A-se-a Séng ê lâng lóng lī-khui góa khì, kî-tiong ū Hûi-kiat-lō͘ kap Hek-mô͘-kî-nî. | 注释 串珠 原文 典藏 |
| 1:16 | Goān Chú sù jîn-chû hō͘ O-nî-sek-hu̍t chi̍t-ke ê lâng, in-ūi i chia̍p-chia̍p kó͘-lē góa, iā bô ūi-tio̍h góa hō͘ lâng kòa thih-liān lâi kám-kak kiàn-siàu. | 注释 串珠 字典 原文 典藏 |
| 1:17 | Siōng-chhiáⁿ i lâi-kàu Lô-má ê sî, chiū piàⁿ-sè teh chhōe góa, chhōe kah tio̍h. | 注释 串珠 原文 典藏 |
| 1:18 | Goān Chú chāi Boa̍t-ji̍t hō͘ i tit-tio̍h Chú ê jîn-chû. I tī Í-hut-só͘ hōng-thāi góa lōa-chē, lí iā chin chai-iáⁿ.
| 注释 串珠 原文 典藏 |