圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

约珥书线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

Chháu-meh Húi-hoāi Tāi-tōe

Lín tio̍h tī Sek-an pûn sàu-kak,
tī góa ê sèng-soaⁿ hoat kéng-pò;
kok-lāi ê chū-bîn lóng ōe ngia̍uh-ngia̍uh-chhoah,
in-ūi Siōng Chú ê ji̍t teh-beh kàu,
í-keng kūn lah.
2 Hit-ji̍t o͘-thiⁿ-àm-tōe;
hit-ji̍t o͘-hûn-bi̍t-pò͘;
ū chi̍t tūi tōa koh kiông ê chháu-meh pek-óa,
chhin-chhiūⁿ o͘-àm tà-móa soaⁿ-niá.
Chit-khoán chêng-kéng kàu taⁿ m̄-bat ū,
í-āu tāi-tāi mā bōe koh ū.

3 In thâu-chêng ū lia̍t-hé teh thun-bia̍t,
āu-bīn ū hé-iām teh to̍h.
In iáu-bē kàu, tōe chhin-chhiūⁿ I-tiân-hn̂g;
in kè-liáu, tōe chiâⁿ-chòe pha-hng ê khòng-iá,
bô-pòaⁿ-hāng ōe-tàng tô-siám.
4 In ê hêng-chōng chhin-chhiūⁿ bé,
phun-cháu chhin-chhiūⁿ chiàn-bé.
5 In tī chèng-soaⁿ téng-bīn teh thiàu,
siaⁿ chhin-chhiūⁿ chiàn-chhia lōng-lōng-hiáng,
chhin-chhiūⁿ hé-iām sio ta-chháu pi̍t-pia̍k-kiò;
in chhin-chhiūⁿ kiông-béng ê kun-tūi pâi-tīn beh chhut-chiàn.
6 Só͘-ū khòaⁿ-tio̍h in ê lâng lóng phòa-táⁿ,
bīn chhiⁿ-sún-sún.
7 In chhin-chhiūⁿ ióng-sū phun-cháu,
chhin-chhiūⁿ chiàn-sū peh-chiūⁿ siâⁿ-chhiûⁿ;
in ōe-hiáu chiàu ka-kī ê lō͘-sòaⁿ chìn-kong,
bōe phah-loān tūi-ngó͘.
8 In bōe khoeh-lâi-khoeh-khì,
ta̍k-ê chiàu lō͘-sòaⁿ chìn-kong;
in chhiong-kè hông-ōe-sòaⁿ,
iáu pó-chhî tūi-hêng.
9 In chhiong-ji̍p siâⁿ,
tī siâⁿ-chhiûⁿ téng chông-lâi-chông-khì,
peh-chiūⁿ chhù-téng;
chhin-chhiūⁿ chha̍t tùi thang-á ji̍p-khì chhù-lāi.

10 In chi̍t-ē chhut-hiān,
tōe tín-tāng, thiⁿ iô-choah,
ji̍t-goa̍t-bû-kong, chhiⁿ-sîn àm-tām.
11 Siōng Chú tī I ê kun-tūi thâu-chêng hoat hō-lēng,
I ê kun-peng sǹg bōe liáu;
chip-hêng I bēng-lēng--ê chin kiông-béng.
Siōng Chú ê ji̍t tōa koh thang kiaⁿ,
siáⁿ-lâng jím-siū ōe tiâu? 12

Ho͘-io̍k Hóe-kái

Siōng Chú kóng: Hiān-chāi iáu-bē bān,
lín tio̍h ēng kìm-chia̍h, thî-khàu, ai-siong,
oa̍t tò-tńg choân-sim kui-ǹg góa.
13 Tio̍h thiah-li̍h lín ê sim, m̄-sī thiah-li̍h lín ê saⁿ;
tio̍h kui-ǹg Siōng Chú — lín ê Siōng-tè,
in-ūi I ū un-hūi lîn-bín, bōe khoài siū-khì,
ū hong-sēng ê chû-ài,
ōe kái-piàn sim-ì, bōe kàng chai-hō.
14 Bô-tiāⁿ-tio̍h Siōng Chú — lín ê Siōng-tè ōe kái-piàn sim-ì,
lâu hok-khì hō͘ lín,
án-ni lín chiū thang hiàn sò͘-chè kap tiān-chiú-chè hō͘ I.

15 Lín tio̍h tī Sek-an pûn sàu-kak,
siat chi̍t ê sèng-ji̍t lâi kìm-chia̍h,
tiàu-chi̍p giâm-siok-hōe,
16 chū-chi̍p bîn-chiòng, sèng-hòa hōe-chiòng;
chio-chi̍p sī-tōa,
chū-chi̍p gín-á kap chia̍h-lin ê eⁿ-á;
sin-lông tio̍h lī-khui i ê chhù,
sin-niû lī-khui i ê pâng.
17 Ho̍k-sāi Siōng Chú ê chè-si tio̍h tī cháu-lông kap chè-tôaⁿ ê tiong-kan thî-khàu.
In tio̍h kóng, “Siōng Chú, kiû lí khoan-sià lí ê chú-bîn;
m̄-thang hō͘ lí ê chú-bîn siū lêng-jio̍k,
siū lia̍t-kok thí-chhiò.
Ná tio̍h hō͘ bān-bîn kóng ‘In ê Siōng-tè tī tó-ūi’?” 18

Siōng-tè koh Sù-hok

Hit-sî Siōng Chú ōe chhim-chhim thiàⁿ-sioh I ê thó͘-tōe,
koh lîn-bín I ê chú-bîn.
19 Siōng Chú ìn I ê chú-bîn, kóng,
“Góa beh sù lín ngó͘-kok, sin-chiú, kap sin-iû,
hō͘ lín sim-móa-ì-chiok;
góa bōe koh hō͘ lín siū lia̍t-kok lêng-jio̍k.
20 Góa beh hō͘ pak-hng lâi ê kun-tūi lī-khui lín hn̄g-hn̄g,
kā in kóaⁿ-khì khòng-hān pha-hng ê tōe:
Chêng-tūi kóaⁿ-ji̍p tang-pêng ê Sí-hái,
āu-tūi kóaⁿ-ji̍p sai-pêng ê Tōe-tiong-hái;
in si-thé ê pháiⁿ-bī chhèng-koân, chhàu-bī chhiong-thian.
Khak-si̍t, Siōng Chú ū oân-sêng chiah-ê tōa tāi-chì!”

21 Thó͘-tōe ah, m̄-bián kiaⁿ, tio̍h hoaⁿ-hí khoài-lo̍k.
Siōng Chú khak-si̍t ū chòe tōa tāi-chì!
22 Chhân-iá ê cháu-siù ah, m̄-bián kiaⁿ,
in-ūi khòng-iá ê chháu-po͘ pìⁿ chhiⁿ-chhùi,
chhiū-ba̍k kiat ké-chí;
bû-hoa-kó-chhiū, phû-tô-chhiū lóng kiat chin chōe ké-chí.

23 Sek-an ê chú-bîn ah, lín tio̍h hoaⁿ-hí,
tio̍h in-ūi Siōng Chú — lín ê Siōng-tè khoài-lo̍k.
I chiàu-sî lo̍h chhiu-thiⁿ ê hō͘ hō͘ lín;
kap í-chêng kâng-khoán, koh kā lín lo̍h chhun-lîm chhiu-ú.
24 Ngó͘-kok-tiûⁿ ū móa-móa ê ngó͘-kok,
chiú-khut ū sin-chiú, iû-khut ū sin-iû móa--chhut-lâi.
25 Góa phài-lâi lín chia chi̍t-kûn koh chi̍t-kûn ê chháu-meh tāi-kun,
chháu-meh, chháu-meh-á-kiáⁿ, chháu-meh-kong, kap tōa-chiah chháu-meh,
kúi-nā nî kā lín chia̍h--khì ê lông-chok-bu̍t,
góa lóng beh pó͘-sióng lín.
26 Lín ū chin chōe thang chia̍h, chia̍h kàu pá,
koh ōe chheng-chàn Siōng Chú — lín ê Siōng-tè ê miâ;
in-ūi I ūi-tio̍h lín chòe kî-biāu ê sū.
Góa ê chú-bîn éng-oán bōe koh sit-pāi kiàn-siàu.
27 Lín chiū ōe chai góa tī Í-sek-lia̍t-lâng tiong-kan,
koh chai chí-ū góa sī Siōng Chú — lín ê Siōng-tè, í-gōa bô pa̍t-ê;
góa ê chú-bîn éng-oán bōe koh sit-pāi kiàn-siàu. 28

Siōng Chú ê Ji̍t

Í-āu, góa beh chiong góa ê sîn piàⁿ lo̍h-khì hō͘ só͘-ū ê lâng;
lín ê kiáⁿ, cha-bó͘-kiáⁿ ōe kóng ū-giân,
lín ê lāu-lâng ōe choh-bāng,
siàu-liân-lâng ōe khòaⁿ-kìⁿ īⁿ-siōng.
29 Tī hiah-ê ji̍t, góa sīm-chì beh chiong góa ê sîn piàⁿ lo̍h-khì hō͘ po̍k-jîn kap lú-pī.
30 Góa beh tī thiⁿ-téng hián-chhut kî-sū,
tī tōe-chiūⁿ ū huih, ū hé, kap hé-hun ê thiāu.
31 Tī Siōng Chú tōa koh thang-kiaⁿ ê ji̍t lâi-lîm í-chêng,
ji̍t-thâu ōe pìⁿ-chòe o͘-àm,
ge̍h pìⁿ-chòe chhin-chhiūⁿ huih hiah-ni̍h âng.
32 Hit-sî, kiû-kiò Siōng Chú ê miâ ê lâng lóng ōe tit-tio̍h kiù.
Chiàu Siōng Chú ê èng-ún,
tī Sek-an-soaⁿ kap tī Iâ-lō͘-sat-léng ū tô-thoat ê lâng;
tī chiah-ê chhun--lo̍h-lâi ê chú-bîn tiong-kan ū Siōng Chú soán-tiàu ê lâng.

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:FHL和合本和合本2010现代中文译本1995版现代中文译本2019版环球译本新译本中文标准译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经印尼旧圣经越南圣经俄文圣经韩文圣经日语圣经藏语圣经武加大译本新武加大译本

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.