章节 | 全民台语圣经汉罗经文 | 注释 |
6:1 | 敌人来围攻耶路撒冷便雅悯人,lín tio̍h走出耶路撒冷,tī提哥亚pûn哨角,tī Bia̍t-ha-ke-lém放烟火;因为有灾祸kah大ê毁灭tùi北方落来。 | 注释 串珠 字典 原文 典藏 |
6:2 | 我beh剿灭锡安ê chabó͘ gín-á,to̍h是hitê súi koh幼秀ê。 | 注释 串珠 原文 典藏 |
6:3 | 牧者kah伊ê羊群ē到伊hia,tī伊ê四箍围搭布棚,ta̍k个tī伊所占ê地,hō͘羊食草。 | 注释 串珠 字典 原文 典藏 |
6:4 | In会命令讲:「Lín tio̍h准备交战攻城;起来!咱tio̍h趁中昼ê时上去。」后来,in koh讲:「惨ah!日已经斜西,beh暗ê影已经拖长。 | 注释 串珠 原文 典藏 |
6:5 | 起来!咱tio̍h透暝上去,毁坏伊ê宫殿。 | 注释 串珠 原文 典藏 |
6:6 | 因为万军ê上主ánne讲:「Lín tio̍h锉树á,起土堆,攻击耶路撒冷。这是hitê应该受刑罚ê城,in中间全部是暴虐。 | 注释 串珠 字典 原文 典藏 |
6:7 | 井án怎chhèng出水,chitê城mā ánne chhèng出pháiⁿ;tī in中间tiāⁿ-tiāⁿ 听tio̍h有强暴、毁灭ê tāichì,病疼、损伤mā tiāⁿ-tiāⁿ tī我ê面前。 | 注释 串珠 字典 原文 典藏 |
6:8 | 耶路撒冷人,lín tio̍h受教示。免得我ê心kah你疏远,免得我hō͘你抛荒,成做无人tòa ê所在。」 | 注释 串珠 原文 典藏 |
6:9 | 悖逆ê以色列万军ê上主ánne讲:「敌人ē掠以色列全部所chhun落来ê人民,亲像teh挽葡萄。你tio̍h亲像挽葡萄ê,手koh伸入去树枝。」 | 注释 串珠 字典 原文 典藏 |
6:10 | 我应讲:「Taⁿ我beh对啥人讲话做见证hō͘ in听?你看,in ê耳á 无受割礼,bē tàng听。你看,上主ê话,in掠做见笑,无欢喜听。 | 注释 串珠 原文 典藏 |
6:11 | 因为ánne,我hō͘上主ê受气充满,忍bē tiâu。所以,上主讲:「我beh做一下piàⁿ落去tī街路ê gín-á kah聚会ê少年人,连丈夫kah伊ê bó͘,老人kah日子满足ê,lóngē受掠。 | 注释 串珠 原文 典藏 |
6:12 | In ê厝宅、田园kah bó͘ lóngē变做别人ê;因为上帝会伸手攻击tòa tī chit所在ê人民。这是上主讲ê。 | 注释 串珠 原文 典藏 |
6:13 | 因为in tùi siōng细到siōng大ê lóng一味贪心,tùi先知到祭司lóng行奸诈。 | 注释 串珠 原文 典藏 |
6:14 | In chhìn-chhìn chhái-chhái医治我ê人民ê伤,讲:『平安à!平安à!」,其实无平安。』 | 注释 串珠 原文 典藏 |
6:15 | In行可恶ê tāichì,kám知见笑?无,in lóng无见笑,面mā bē红。因为ánne,inē tī跋倒ê人ê中间跋倒;我办in ê时,in ē颠颠倒倒。这是上主讲ê。」 | 注释 串珠 原文 典藏 |
6:16 | 以色列拒绝上主ê道路上主ánne讲:「Lín tio̍h khiā tī路里看,查问旧ê路,hit条好路tī tó位,to̍h tio̍h行hit条路;ánne,lín ê心to̍h ē得tio̍h安息。」总是,in应讲:「阮m̄行hit条路。」 | 注释 串珠 字典 原文 典藏 |
6:17 | 我kā lín设守望ê人,讲:「Tio̍h听哨角ê声。」总是,in讲:「阮m̄听。」 | 注释 串珠 字典 原文 典藏 |
6:18 | 所以,上主讲:「列国,因为ánne lín tio̍h听!会众,lín tio̍h知in中间有啥物事。 | 注释 串珠 原文 典藏 |
6:19 | 地,你tio̍h听!你看,我beh hō͘灾祸临到chiahê人民,to̍h是in图谋ê结果;因为in m̄遵thàn我ê话,我ê律法,in mā弃绝。 | 注释 串珠 原文 典藏 |
6:20 | Tùi示巴出ê乳香,tùi远远ê所在出ê菖蒲,带来hō͘我,有啥物路用?Lín ê烧祭无得tio̍h接纳;lín ê礼物,我mā无欢喜。 | 注释 串珠 字典 原文 典藏 |
6:21 | 所以,我—上主ánne宣布:你看,我beh hē阻碍ê石tī chiahê人民ê面前。父kah kiáⁿ会做一下跋tī hit顶面;厝边kah朋友mā lóng ē灭亡。」 | 注释 串珠 原文 典藏 |
6:22 | 北方来ê侵略者上主ánne讲:「你看,有一种人民tùi北方来,mā有一个大国兴起,tùi地极来。 | 注释 串珠 原文 典藏 |
6:23 | In gia̍h弓kah枪,in残忍无怜悯;in ê声亲像海hōa-hōa哮。锡安ê chabó͘ gín-á,in lóng骑马列阵,亲像战士beh攻击你。」 | 注释 串珠 字典 原文 典藏 |
6:24 | 耶路撒冷人讲:「阮听tio̍h in ê风声,手就软落去;痛苦kā阮擒tiâu ・leh,痛疼亲像teh生kiáⁿ ê chabó͘人。 | 注释 串珠 原文 典藏 |
6:25 | Lín m̄ thang出去田里,mā m̄ thang行tī路里;因为tī hia有对敌ê刀剑,四箍围有惊惶。 | 注释 串珠 字典 原文 典藏 |
6:26 | 我ê人民,tio̍h縖麻布,kō tī火灰中。Tio̍h悲伤,亲像丧失独生kiáⁿ,痛心啼哭,因为残杀ê会忽然来到咱中间。」 | 注释 串珠 字典 原文 典藏 |
6:27 | 上主对耶利米讲:「我设立你tī我ê人民中,做试炼ê kah城堡,hō͘你知来kā in试炼ê行为。 | 注释 串珠 字典 原文 典藏 |
6:28 | In lóng是大悖逆ê人,四界kā人毁谤。In是铜,是铁,lóng是行毁坏ê。 | 注释 串珠 原文 典藏 |
6:29 | 风柜吹火teh to̍h,铅已经熔tī火内;in直直锻炼,到尾mā是空空;因为pháiⁿ ê滓iáu未除去。 | 注释 串珠 字典 原文 典藏 |
6:30 | 人ē kā in称做受弃sak ê银,因为上主已经kā in弃sak。」 | 注释 串珠 原文 典藏 |