约书亚记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
13 Iáu未占领ê土地
约书亚年老,有岁à,上主对伊讲:「你年老,有岁à,应该征服ê地,iáu有真chē,
2 所chhun落来ê地,to̍h是腓利士人ê全境kah基述人ê全地。
3 Τùi埃及头前ê Si-ho͘l,ǹg北到以革伦ê地界,这to̍h算做迦南人ê地。腓利士人五个首领,to̍h是迦萨人、亚实突人、亚实基伦人、迦得人、以革伦人,koh有南方A-ōe人。
4 迦南人ê全地,西顿人ê Bí-a-la̍h,到亚弗,一直到亚摩利人ê交界。
5 Koh有Ge-bal人ê地,kah ǹg日出全部ê黎巴嫩,tùi黑门山脚ê Pa-lek-ka-tek,到哈马ê路口。
6 Τòa山地所有ê人民,tùi黎巴嫩到Bí-su-lī-hut-má-im,西顿ê群众,我beh tī以色列人ê面前kā in赶出去。你thang照我所命令你ê,分hiahê地hō͘以色列人做产业。
7 Taⁿ你tio̍h kā chitê地分hō͘九支族kah玛拿西半支族做产业。」
8 约旦河东pêng土地ê分配
流便kah迦得两支族,以及玛拿西iáu半支族,做伙得tio̍h摩西所赏赐ê产业,tī约旦河东pêng hit-pêng,to̍h是照上帝ê奴仆摩西所hō͘ in ê;
9 是tùi亚嫩山谷边ê亚罗珥kah山谷中ê城,以及米底巴ê全平原,一直到底本,
10 kah tiàm tī希实本做王,亚摩利人ê王西宏chiahê城,到亚扪人ê交界;
11 koh有基列地,基述人kah玛迦人ê地界,以及全部ê黑门山,全部ê巴珊,到撒迦;
12 koh有巴珊王噩ê全国,伊tī亚斯他录kah以得来做王(伊是利乏音族所chhun落来ê)。因为chiahê lóng是摩西所phah ê,所赶出去ê。
13 总是,以色列人无赶基述人kah玛迦人;到今á日基述kah玛迦犹原tiàm tī以色列人ê中间。
14 独独无分业hō͘利未ê支族。上主—以色列ê上帝用烧祭ê祭物做in ê产业,照上主所对伊讲ê。
15 流便支族分tio̍h ê土地
摩西分hō͘流便支族ê,照in ê宗族。
16 In ê境界是亚嫩山谷边ê亚罗珥kah山谷中ê城,óa近米底巴ê全部平原;
17 希实本kah她平原hiahê城,to̍h是底本、Pa-boa̍t-pa-le̍k、Pek-pa-le̍k-bián、
18 雅杂、Ke-ti-mo͘t、Me-hoa-at、
19 基列亭、西比玛kah山谷中ê山Sè-lia̍t-hap-sa-hat、
20 Pek-pì-jíⁿ、毗斯迦ê山坪、Pek-iâ-se-boa̍t;
21 koh有平原hiahê城,tī希实本做王ê亚摩利人ê王西宏 ê全国。摩西phah伊kah米甸hiahê首领,to̍h是Í-bī、Le-kém、苏珥、户珥、Lī-pa;chiahê lóng是tiàm tī hit所在做首领,属tī西宏ê。
22 以色列人thâi hiahê人ê时,mā用刀thâi比珥ê kiáⁿ—术士巴兰。
23 流便人ê境界,伊ê产业tī约旦河kah河边ê地。这是流便人ê产业,照in ê宗族,chiahê城,chiahê庄头。
24 迦得支族分tio̍h ê土地
摩西分hō͘迦得人,照迦得支族ê宗族。
25 In ê境界是雅谢kah基列所有ê城,kah亚扪人一半ê地,到拉巴头前ê亚罗珥;
26 tùi希实本到La-mat Mit-peh kah Be-to-niúm,koh tùi玛哈念,到底璧ê境界,
27 kah山谷中ê Pek-a-lân、Pek-lêng-la̍h、疏割kah Sat-hun,to̍h是希实本王西宏国内所chhun落来ê地,以及约旦河kah河边ê地,一直到基尼烈海ê极头,tī约旦河hit-pêng ê东pêng。
28 这是迦得人照伊ê宗族所得tio̍h做产业chiahê城kah庄头。
29 玛拿西半支族分tio̍h ê土地
摩西分hō͘玛拿西半支族ê,是照玛拿西人半支族ê宗族。
30 In ê境界是tùi玛哈念起,包含巴珊全地,to̍h是巴珊王噩ê全国,kah tī巴珊睚珥所有ê城,总共六十个城。
31 基列ê一半,kah亚斯她录、以得来,是属巴珊王噩ê国ê城,是hō͘玛拿西ê kiáⁿ玛吉,to̍h是玛吉ê kiáⁿ孙ê一半,照伊ê宗族。
32 顶面是摩西tī约旦河hit-pêng东pêng,耶利哥城对面摩押ê平原,所分ê产业。
33 独独利未支族,摩西无分业hō͘ in。上主—以色列ê上帝是做in ê产业,照他所kā in讲ê。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。