申命记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
34 摩西ê死亡
摩西tùi摩押平原上尼波山,上hitê kah耶利哥城相对ê毗斯迦山头。上主hō͘伊看基列全地一直到但,
2 拿弗他利全地,以法连玛拿西ê地,偤大全地到西海,
3 南方kah叫做枣树城ê耶利哥城山谷ê平原,一直到琐珥。
4 上主对伊讲:「Chitê地to̍h是我对亚伯拉罕、以撒、雅各chiùchōa讲:『我beh赏赐hō͘你ê kiáⁿ孙ê。』Τaⁿ我hō͘你亲目看tio̍h,总是,你bē tàng过去到hia。」
5 上帝ê奴仆摩西就死tī hia,tī摩押ê地,照上主所讲ê。
6 上主kā伊埋葬tī摩押地,Pek-pí-jíⁿ相对ê山谷;到今á日无人知伊ê墓。
7 摩西死ê时,一百二十岁,目chiu 无花,精力无衰退。
8 以色列人tī摩押平原为tio̍h摩西哀哭三十工。为tio̍h摩西忧闷哀哭ê日满à。
9 嫩ê kiáⁿ约书亚得tio̍h智慧ê神充满,因为摩西bat tī伊ê顶面hōaⁿ手,以色列人to̍h遵thàn伊,照上主所命令摩西ê来行。
10 后来,以色列中无koh兴起先知亲像摩西,伊是上主面对面所bat ê。
11 照上主差伊tī埃及地,对法老kah伊所有ê人臣,以及伊ê全地所行ta̍k种ê神迹奇事,
12 mā照大权能ê手,大koh thang惊ê tāichì,to̍h是摩西所行tī以色列人民ê目chiu 前ê。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。