哥林多前书 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
14 圣神ê恩赐
Tio̍h追求疼心，mā tio̍h渴望属灵ê恩赐，尤其是传福音ê恩赐。
2 讲各种卷舌话ê人m̄是teh对人讲，是teh对上帝讲，因为无人听有。总是，伊有teh讲属灵ê奥秘。
3 M̄ koh hiahê传福音ê人是teh对人讲，来kā人造就、劝勉kah安慰。
4 讲卷舌话ê人是teh造就kakī ，传福音ê人是teh造就教会。
5 我真ài lín ta̍k人lóng ē讲奇妙ê音语，独独我koh khah ài lín会传福音。因为讲卷舌话若无翻译，to̍h bē tàng造就教会，ánne，传福音比讲卷舌话khah要紧。
6 所以，兄弟姊妹，我去lín hia，若kantaⁿ讲卷舌话，无传讲上帝ê启示、智识、信息á是教示，ánne，对lín有啥物利益？
7 Hiahê无活命ê乐器，亲像洞箫á是琴，若无发出高低ê音，人ná ē知是teh奏啥物？
8 哨角ê声若无准确ê音，人ná ē知thang准备出战？
9 亲像ánne，lín所讲ê卷舌话，意思若无清楚，人ná ē知lín teh讲啥物？Án-ne，lín bē输teh对空气讲话。
10 世间有真chē种ê音语，ta̍k个 lóng有意思。
11 我若m̄ bat hit款音语，讲ê人ē kā我当做是外国人，我mā ē kā伊当做是外国人。
12 Án-ne，lín既然热心teh追求属灵ê恩赐，tio̍h koh khah出力追求ē tàng造就教会ê恩赐。
13 所以，讲卷舌话ê人，tio̍h祈求ē tàng有解说ê能力。
14 我若用卷舌话祈祷，he是我ê灵teh祈祷，m̄ koh，我ê理智无发生作用。
15 Án-ne，我tio̍h án怎做？我beh用心神祈祷；mā beh用理智祈祷。我beh用心神吟诗，mā beh用理智吟诗。
16 Lín若kantaⁿ用心神感谢，hiahê ē众m̄知你teh讲啥物，伊ná ē对你ê感谢同心来讲：「阿们」？
17 你ê感谢是好，m̄ koh，无hō͘人得tio̍h造就。
18 我感谢上帝ê时，讲卷舌话比lín大家khah chē。
19 总是，tī教会中，我宁可讲五句hō͘人听有koh thang教示人ê话，mā无ài讲一万句ê卷舌话。
20 兄弟姊妹，lín想tāichì m̄ thang亲像gín-á。做pháiⁿ tāichì tio̍h亲像婴á，想tāichì tio̍h亲像大人。
21 律法有记载：主讲：我beh用讲外国话ê人，用异邦人ê嘴唇，对我ê子民讲话；ánne，in犹原m̄听。(注：赛28：11-12)
22 所以，讲卷舌话ê恩赐m̄是beh hō͘信徒，是beh hō͘无信ê人做记号；传福音ê恩赐m̄是beh hō͘无信ê人，是beh hō͘信徒做记号。
23 全教会聚会ê时若lóng讲卷舌话，无了解卷舌话ê人á是无信ê人入来，kám bē讲lín是teh起痟？
24 大家若lóng teh传福音，有无信á是无了解卷舌话ê人入来，听tio̍h hiahê话to̍h ē晓悟kakī ê罪，
25 心内ê秘密to̍h ē显露出来，ē仆落去敬拜上帝，讲：「上帝真正tī lín中间！」
26 教会ê秩序
兄弟姊妹，ánne tio̍h án怎？Lín聚会ê时，有人唱圣诗，有人教示，有人宣讲上帝ê启示，有人讲卷舌话，有人做翻译。Ta̍k项tāichì lóng tio̍h为tio̍h造就教ē来做。
27 若有人beh讲卷舌话，tio̍h限定两 个，siōng-chē三个，mā tio̍h照顺序轮流讲，koh tio̍h有人来翻译。
28 若无人thang翻译，in tio̍h恬恬，kantaⁿ对kakī kah对上帝讲to̍h好。
29 Tio̍h hō͘两 个á是三个来传讲上帝ê信息，其他ê人tio̍h省察hiahê信息。
30 若在座有人得tio̍h上帝ê启示，hitê当teh讲ê人tio̍h停止讲话。
31 因为lín ta̍k人lóng thang轮流传讲上帝ê信息，thang做伙学习，互相勉励。
32 宣讲上帝信息ê人，tio̍h àiē晓约束kakī ê恩赐，
33 因为上帝m̄是无秩序ê上帝，是ài咱和谐ê上帝。
34 kah所有上帝子民ê教会仝款，chabó͘人tī教会中tio̍h恬恬，m̄ thang发言。偤太人ê律法mā规定in tio̍h顺服。
35 In若ài beh学习啥物，tio̍h tī厝内问kakī ê丈夫，因为chabó͘人tī教会中讲话真无适合。
36 上帝ê道理kám是对lín来ê？Á是kantaⁿ传hō͘ lín？
37 若有人想讲kakī 是传讲上帝信息ê人á是属灵ê人，伊应该tio̍h知我teh写hō͘ lín ê是主ê命令。
38 若有人无kā chitê tāichì看做要紧，lín mā m̄免kā chitê人看做要紧。
39 所以，我ê兄弟姊妹，tio̍h迫切追求传讲上帝信息ê恩赐，mā m̄ thang禁止人讲卷舌话。
40 Ta̍k项tāichì tio̍h照秩序，规规矩矩来做。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。