约翰福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
1 道成肉体
上帝创造以前to̍h有道，道kah上帝同在，道to̍h是上帝。
2 Tùi源起头，chitê道to̍h kah上帝同在。
3 上帝通过道来创造万物，一切受创造ê lóng是通过道来创造。
4 道本身有活命，chitê活命是人类ê光。
5 Chitê光照tī乌暗中，m̄ koh，乌暗m̄接纳光。
6 上帝差派一个人来，伊ê名叫做约翰。
7 Chitê人来beh为光做见证，thang hō͘全人类听伊ê话来信。
8 伊本身m̄是hitê光，kantaⁿ是beh为hitê光做见证。
9 Hitê是真ê光，beh来chitê世间kā全人类照光。
10 道已经tī世间，世间通过道来创造，m̄ koh，世间m̄ bat chitê道。
11 道来到kakī ê本所在，kakī ê人mā无接纳他。
12 Hiahê接纳他ê，to̍h是信他ê人，他就赏赐hō͘ in有权成做上帝ê kiáⁿ儿。
13 In m̄是tùi血统，m̄是tùi肉体，mā m̄是tùi人ê意思来出世ê，in是上帝生ê。
14 道chiâⁿ肉体，tiàm tī咱中间，充满恩典kah真理。咱有看tio̍h他ê荣耀，he是天父ê独生Kiáⁿ chiah有ê荣耀。
15 约翰为tio̍h他做见证，大声hoah：「Chitê to̍h是我所讲ê，他tòe我后面来，却比我khah伟大，因为我iáu未出世，他to̍h存在。」
16 他已经用丰盛ê恩典祝福咱大家，hō͘咱恩上加恩。
17 律法是上帝通过摩西来颁布；恩典kah真理是通过耶稣基督来ê。
18 无人bat看见上帝，kantaⁿ tī天父心怀中ê独生Kiáⁿ有kā他显明出来。
19 行洗礼约翰ê见证
(太3：1-12；可1：2-8；路3：15-17)
下面是约翰ê见证：耶路撒冷ê偤太人ê宗教当局，差派祭司kah利未人来问约翰讲：「你是啥人？」
20 Hit时，约翰坦白公开承认讲：「我m̄是基督。」
21 Hiahê人koh问伊讲：「Án-ne，你是以利亚，是无？」约翰应讲：「M̄是。」In koh问伊讲：「你是hitê先知，是无？」约翰应讲：「M̄是。」
22 Into̍h kā伊讲：「你是啥人？请你kā阮讲，thang hō͘阮回覆差派阮来ê人。你kakī 讲你是啥人？」
23 约翰引用以赛亚先知ê话，讲：「我to̍h是tī旷野teh hoah ê声：Tio̍h为主修直道路。」(注：赛40：3)
24 Hiahê人to̍h是法利赛派ê人差派ê。
25 In koh问约翰，讲：「你若m̄是基督，mā m̄是以利亚，mā m̄是hitê先知，你ná ē kā人洗礼？」
26 约翰应讲：「我是用水kā人洗礼，有一位lín m̄ bat ê khiā tī lín中间。
27 他tī我ê后面teh来，我连kā他thǹg鞋都bē堪得。」
28 Chiahê tāichì tī约旦河东岸ê伯大尼发生；约旦河to̍h是约翰kā人洗礼ê所在。
29 上帝ê羊羔
隔tńg工，约翰看tio̍h耶稣行óa来，to̍h讲：「你看，上帝ê羊羔，他beh来消除世间ê罪。
30 关系他ê tāichì我bat kā lín讲，他比我khah慢来，他比我khah伟大，因为我iáu未出世，他to̍h存在。
31 我kakī mā m̄ bat他，独独我来用水kā人洗礼，是beh hō͘以色列人认bat他。」
32 约翰koh见证讲：「我bat看tio̍h圣神亲像粉鸟tùi天降落来歇tī他顶面。
33 我kakī mā m̄ bat他，独独差我来用水kā人洗礼ê hit位上帝有kā我讲：『你看，圣神降临歇tī他顶面，他to̍h是beh用圣神kā人洗礼ê hit位。』
34 我有亲目看tio̍h，所以，我来见证Chit位to̍h是上帝ê Kiáⁿ。」
35 耶稣呼召第一批门徒
隔tńg工，约翰kah两 个门徒koh khiā tī hia。
36 约翰看tio̍h耶稣teh行，to̍h讲：「你看，上帝ê羊羔！」
37 Hit两 个门徒听tio̍h伊ánne讲，to̍h去tòe耶稣。
38 耶稣oa̍t-tńg身看tio̍h in teh tòe他，to̍h kā in讲：「Lín teh chhōe啥物？」In应讲：「拉比，祢tòa tī tó位？」(拉比to̍h是老师ê意思)。
39 耶稣kā in讲：「Lín tòe我来去看。」In去看耶稣tòa ê所在，hit日to̍h kah他做伙tòa，hit时差不多是下晡四点。
40 听约翰ê话来tòe耶稣hit两 个人，一个是西门彼得ê小弟安得烈。
41 伊先去chhōe伊ê阿兄西门，kā伊讲：「阮已经tú tio̍h基督。」
42 伊to̍hchhoa7西门来见耶稣。耶稣注目kā伊看，讲：「你是约翰ê kiáⁿ西门。我beh kā你叫做矶法。」(矶法kah彼得仝款意思，to̍h是石磐)。
43 耶稣呼召腓力kah拿但业
隔tńg工，耶稣beh去加利利省，tú tio̍h腓力，to̍h kā伊讲：「来tòe我。」
44 腓力是伯赛大人，是安得烈kah彼得ê同乡。
45 腓力tú tio̍h拿但业，to̍h kā伊讲：「摩西tī律法书所写kah众先知书所记载ê hit位，阮已经有tú tio̍h，to̍h是约瑟ê kiáⁿ，拿撒勒人耶稣。」
46 拿但业kā伊讲：「拿撒勒hit款所在kámē出啥物好物？」腓力讲：「你来看！」
47 耶稣看tio̍h拿但业行óa来，to̍h讲：「你看，伊是真正ê以色列人，是心无虚假ê人。」
48 拿但业问耶稣讲：「祢ná ē bat我？」耶稣应讲：「腓力iáu未叫你，我to̍h看tio̍h你tī无花果树脚。」
49 拿但业应讲：「老师，祢to̍h是上帝ê Kiáⁿ，祢to̍h是以色列ê王。」
50 耶稣应讲：「因为我kā你讲，我有看tio̍h你tī无花果树脚，你to̍h信我，是无？你ē看见比这koh khah大ê tāichì。」
51 耶稣koh kā in讲：「我实在kā lín讲，lín会看见天开，上帝ê天使tī人子ê顶面teh起起落落。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。