出埃及记 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
36 「比撒列、亚何利亚伯，kah所有心有智慧ê人，to̍h是得tio̍h上主赏赐智慧聪明hō͘ in知来做圣所ta̍k种路用ê工ê，lóng tio̍h照上主所吩咐ê来做工。」
2 人民奉献礼物
摩西召比撒列、亚何利亚伯kah见若心有智慧ê人来，to̍h是上主用智慧赏赐hō͘ in ê心，心受感动来做工ê。
3 In tùi摩西the̍h一切ê礼物，to̍h是以色列人为tio̍h做圣所kah内面所用ê物the̍h来献ê。人民ta̍k早起犹原用甘心献ê礼物，the̍h来献hō͘上主。
4 见若做圣所ê工chiahê有智慧ê人，lóng暂停in所做ê工，
5 来对摩西讲：「人民所the̍h来ê，比上主命令做ê工所tio̍h用ê料，过头有chhun。」
6 摩西出命令，in to̍hti7全营宣布，讲：「无论男女lóng m̄ thang koh做啥物来献hō͘圣所。」就ánne阻止人民无koh the̍h来。
7 因为in所有ê材料已经够额thang做一切所tio̍h做ê工，soah有chhun。
8 建造上主ê圣幕
(出26：1-37)
In中间见若心有智慧做工ê人用十幅ê帐做会幕，chiahê帐是用过纺ê幼苎kah蓝色、紫色、朱红色ê料，mā用奇巧ê工夫织成ki-lō͘-peng来做。
9 每幅帐长二十八肘，阔四肘，帐lóng是相siâng ê寸尺。
10 Chit五幅帐，伊创hō͘ in ta̍k幅相连，hit五幅帐 mā ta̍k幅相连。
11 Tī chitê相连ê帐，路尾幅ê边á做蓝色ê钮襻（phàn），tī hitê相连ê帐，路尾幅ê边á mā ánne做。
12 伊tī chit领帐做五十个钮襻，koh tī第二领帐相连ê边á，mā做五十个钮襻，钮襻lóng是两 个两 个相对。
13 Koh做五十个金钩，用来hō͘帐钩相连，to̍h成做一个会幕。
14 伊koh用山羊毛织十一幅ê帐，做会幕顶ê布棚。
15 每幅帐长三十肘，阔四肘；十一幅帐lóng是相siâng ê寸尺。
16 Kā五幅帐连做一幅，koh kā六幅帐连做一幅。
17 Tī chitê相连ê帐ê路尾幅ê边á，伊做五十个钮襻，tī hitê相连ê路尾幅ê边á mā做五十个钮襻。
18 伊koh做五十个铜钩，hō͘布棚连做一个。
19 Koh用染红ê羊皮做布棚ê盖（khàm），koh用海狗皮挂tī顶面。
20 伊用皂荚柴做会幕ê khiā板。
21 Khiā板长十肘，阔一肘半。
22 Ta̍k块板有两 个榫相对排，会幕所有ê板lóng照ánne做。
23 伊做会幕ê板，南pêng有二十块板。
24 Τī chiahê二十块板ê下面做四十个银臼，一块板ê下面有两 个臼来穿它ê两支榫，koh一块板ê下面mā有两 个臼来穿它ê两支榫。
25 会幕ê第二面，to̍h是北面，mā做板二十块，
26 kah in ê银臼四十个；chitê板ê下面有两 个臼，hitê板ê下面mā有两 个臼。
27 会幕ê后面，to̍h是西面mā做六块板。
28 会幕后面ê两 个角头，做两块板。
29 板ê下底长度，两 个相仝，一直到顶面第一个环lóng是全部ê；两 个角头ê板lóng是ánne做。
30 有八个板kah十六个银臼，ta̍k块板ê下面有两 个臼。
31 伊用皂荚柴做横栱，为tio̍h会幕chit pêng ê板做五支，
32 为tio̍h会幕hit-pêng ê板做五支，koh为tio̍h会幕后西面ê板做五支。
33 板ê对中hit支横栱，hō͘它tùi chit头到hit头。
34 板用金包起来，koh做板ê金环来套栱，栱mā用金包。
35 Koh用蓝色、紫色、朱红色ê料kah过纺ê幼苎织帐帘，chitê帐帘用奇巧ê工夫织成ki-lō͘-peng来做ê。
36 Koh用皂荚柴为tio̍h它做四支柱，用金包起来，in ê钩是金ê，koh为tio̍h in铸四个银臼。
37 用蓝色、紫色、朱红色ê料kah过纺ê幼苎，用绣花ê工夫做布棚门ê门帘，
38 kah它ê五支柱，kah in ê钩；in ê柱斗kah横杆用金包起来，hit五个臼是铜ê。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。