马可福音 四福音合参 线上收听:中文和合本 现代中文译本修订版 现代台语 台语圣经 台语(长老会传播中心授权） 客语 现代客语 福州话 粤语和合本 希腊文(WH-NT) 下载档案 关于语音圣经
10 关系离婚ê教示
(太19：1-12)
耶稣离开hia来到偤太地区，过去约旦河hit-pêng。群众koh聚集去耶稣hia，他koh照常教示in。
2 有一kóa法利赛派ê人beh试探耶稣，óa来问他讲：「人kám thang离伊ê bó͘？」
3 耶稣应讲：「摩西ê律法án怎规定？」
4 In讲：「摩西允准人写离婚书来离伊ê bó͘。」
5 耶稣kā in讲：「摩西因为lín ê心硬，chiah制定chitê诫命hō͘ lín。
6 总是，源起头，上帝创造人有男有女。(注：创1：27)
7 因为ánne，chapo͘人tio̍h离开父母来kah伊ê bó͘结联；
8 两 个成做一体。(注：创2：24) Án-ne，in m̄是两 个，是成做一体。
9 所以，上帝所配合ê，人m̄ thang kā它拆散。」
10 入去厝内，门徒koh问耶稣chitê问题。
11 耶稣kā in讲：「人若离伊ê bó͘ koh娶别个 chabó͘人，to̍h是犯奸淫来辜负伊ê bó͘；
12 bó͘若弃sak她ê丈夫来嫁别个翁，mā是犯奸淫。」
13 耶稣祝福细汉Gín-á
(太19：13-15；路18：15-17)
有人chhōa细汉gín-á来耶稣hia，beh hō͘耶稣hōaⁿ手祝福。门徒kā in责备。
14 耶稣看tio̍h，真无欢喜，kā门徒讲：「Hō͘ hiahê细汉gín-á来我chia，m̄ thang kā in阻挡。因为亲像chit款gín-á ê人，chiah ē tàng成做上帝国度ê子民。
15 我实在kā lín讲，若无亲像gín-á ánne接受上帝国度，绝对bē tàng入去。」
16 耶稣to̍h kā gín-á抱起来，kā in hōaⁿ手祝福。
17 好额人ê疑问
(太19：16-30；路18：18-30)
耶稣出去tī路里，有一个人走来跪tī他ê面前，问讲：「好ê老师ah，我tio̍h án怎做chiah ē tàng得tio̍h永远ê活命？」
18 耶稣kā伊讲：「你ná ē称呼我是好ê？上帝以外无一个是好ê。
19 Chiahê诫命你已经lóng知：M̄-thangthâi死人；M̄-thang奸淫；M̄-thang偷the̍h；M̄-thang做假ê见证；M̄-thang khek亏人；Tio̍h孝敬你ê父母。」(注：出12：16)
20 Hitê人应讲：「老师ah，chiahê我tùi细汉to̍h lóng有teh遵守。」
21 耶稣注目kā伊看，用疼心kā伊讲：「你iáu欠一项，你tio̍h去卖你所有ê财产来hō͘ sànchhiah人。Án-ne，你to̍h有积聚财宝tī天顶；然后chiah来tòe我。」
22 Hitê人听tio̍h chiahê话，面就失色，忧头结面离开耶稣，因为伊有真chē财产。
23 耶稣kā群众看一liàn chiah对门徒讲：「好额人beh入上帝国度真困难！」
24 门徒听了chiahê话，感觉真奇怪。耶稣koh讲：「细kiáⁿ，óa靠钱财beh入上帝国度真正困难！
25 骆驼穿过针鼻比好额人入上帝国度iáu khah简单。」
26 门徒koh khah tio̍h惊，起疑问，讲：「Án-ne啥人chiah ē tàng得救？」
27 耶稣注目kā in看，讲：「Chit项tāichì人做bē到；对上帝来讲m̄是ánne，因为上帝ta̍k项lóng ē。」
28 彼得to̍h对耶稣讲：「阮已经放sak一切来tòe祢à。」
29 耶稣应讲：「我实在kā lín讲，人若为tio̍h我kah福音ê缘故来放sak厝宅、兄弟、姊妹、老母、老父、kiáⁿ儿、田园，
30 in tī今世ē得tio̍h百倍ê厝宅、兄弟、姊妹、老母、kiáⁿ儿、田园，同时mā ē受迫害；m̄ koh，tī来世inē得tio̍h永远ê活命。
31 总是，真chē做头前ê人ē变做路尾，路尾ê人mā ē变做头前。」
32 耶稣第三pái预言他ê死亡kah Koh活
(太20：17-19；路18：31-34)
耶稣kah门徒上耶路撒冷。Tī路里，耶稣行tī头前，门徒tio̍h惊kah gāng去，跟tòe ê人mā真惊惶。耶稣koh chhōa十二使徒去边á，kā他teh beh tú ・tio̍h ê tāichì kā in讲。
33 他讲：「Chit-má咱beh上耶路撒冷，人子会hông出卖去交hō͘ hiahê祭司长kah经学教师。Inē kā他定死罪，koh kā他交hō͘外邦人。
34 Inē kā他戏弄、phùi澜、鞭phah、害死，三日后他ēkoh活。」
35 雅各kah约翰ê要求
(太20：20-28)
然后西庇太ê kiáⁿ雅各kah约翰óa来kā耶稣讲：「老师ah，求祢答应阮对祢所求ê tāichì。」
36 耶稣问讲：「Lín ài我为lín做啥物？」
37 In讲：「Tī祢得tio̍h荣光ê时，求祢hō͘阮一个坐祢ê正pêng，一个坐祢ê倒pêng。」
38 耶稣kā in讲：「Lín m̄知kakī teh求啥物。我所lim ê杯，lín kám ē tàng lim？我受ê洗礼，lín kám ē tàng受？」
39 In讲：「阮会。」耶稣kā in讲：「我所lim ê杯，lín beh lim，我所受ê洗礼，lín beh受。
40 总是，坐我ê正pêng á是倒pêng，m̄是我ē tàng做主。上帝为tio̍h啥人准备，to̍h ēhō͘ hitê人。」
41 其他十个门徒听tio̍h，to̍h对雅各kah约翰受气。
42 耶稣叫in来，kā in讲：「Lín知外邦人ê中间，hō͘人尊做统治者ê人ē做主来kā in治理，in ê官员mā有权kā in管辖。
43 独独lín中间无应该ánne。Lín中间ài beh做大ê人tio̍h做众人ê差用；
44 lín中间ài beh做头ê人tio̍h做众人ê奴仆。
45 因为人子来chitê世间m̄是beh hō͘人服事，反tńg是beh来服事人，甚至牺牲kakī ê性命来赎回真chē人。」
46 耶稣医好Chheⁿ-mê ê巴底买
(太20：29-34；路18：35-43)
耶稣kah门徒来到耶利哥城。In kah一大阵人出耶利哥城ê时，有一个chheⁿmê ê乞食，Tí-mái ê kiáⁿ巴底买，坐tī路边。
47 Hitê chheⁿmê ê乞食听tio̍h拿撒勒人耶稣tùi hia经过，to̍h大声hoah：「大卫ê kiáⁿ孙，耶稣，可怜我！」
48 真chē人kā伊责备，叫伊恬恬，m̄ koh，伊koh khah大声hoah：「大卫ê kiáⁿ孙ah，可怜我！」
49 耶稣停落来，讲：「叫伊来。」Into̍h叫chheⁿmê ・ê来，kā伊讲：「放心，起来，他teh叫你。」
50 Chheⁿ-mê e5to̍h放落伊ê衫，跳起来去到耶稣hia。
51 耶稣kā伊讲：「你ài我kā你做啥物？」 Chheⁿ-mê-ê讲：「老师，求祢hō͘我ēkoh看见。」
52 耶稣kā伊讲：「你tńg去，你ê信心已经hō͘你得tio̍h医好。」Chheⁿ-mê ê随时koh ē看见，就tòe耶稣去。
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。