以西结书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
3 上帝to̍h对我讲：「人子，tio̍h食你所得tio̍h ê；tio̍h食hit卷册，mā tio̍h去对以色列ê人民讲话。」
2 就ánne，我开嘴，他to̍h hō͘我食hit卷册。
3 Koh对我讲：「人子，kā我所hō͘你ê chit卷册，tio̍h食入去你ê腹肚，充满你ê肠。」我to̍h食hit卷册，嘴内感觉它ê甜ná亲像蜜。
4 他对我讲：「人子，起来见以色列ê家，mā用我ê话kā in讲。
5 因为你奉差遣m̄是去hitê讲话深奥，言语oh得了解ê人民hia，to̍h是去以色列家hia；
6 m̄是去hiahê讲话深奥，言语oh得听ê真chē国，in ê话你bē了解，听m̄ bat。
7 我若差你去in hia，in一定ē听你ê话；总是，以色列ê人民m̄肯听你ê话，to̍h是m̄肯听我ê话；因为以色列全家是头额tēng，心硬ê人。
8 你看，我hō͘你ê面硬，是beh比in ê面khah硬；我hō͘你ê头额tēng，是beh比in ê头额khah tēng。
9 我hō͘你ê头额亲像钻石，比火石khah tēng；in虽然是悖逆ê家，你m̄免惊in，mā m̄ thang因为in ê面貌来惊惶。」
10 上帝koh对我讲：「人子，我对你所讲一切ê话，你tio̍h用心承受，用耳孔来听。
11 你tio̍h去hiahê tī本国受掠ê人民hia；in kiámchháiē听，kiámchhái m̄听；你tio̍h对in讲话，kā in讲：这是主—上主ánne讲ê。」
12 Hit时，神灵举起我，我to̍h听tio̍h tī我ê尻脊后有大振（tín）动hū-hū哮ê声，讲：「上主ê荣光tùi他ê所在显出，应该得tio̍h oló！」
13 我mā听tio̍h hiahê活物ê翼相kha̍p tio̍h ê声，kah in ê身边ê轮ê声，to̍h是大摇动hū-hū哮ê声。
14 就ánne，神灵kā我举起，chhōa我出去。我to̍h去，心内真艰苦，心神激烈；上主ê手tī我身上真有力。
15 我to̍h到Thel-a-bí-buh，tiàm tī迦巴鲁河边受掠ê人hit位，到in所tòa ê所在；tī in中间坐七工，tī hia tio̍h惊kah gāng去。
16 上主派以西结做守望ê人
（结33:1-9）
过七日，上主ê话临到我，讲：
17 「人子，我设立你做以色列ê子民ê守望ê人，所以你tio̍h听我所讲ê话，替我kā in警戒。
18 我对pháiⁿ人讲：你一定ē死；你若无kā伊警戒，无用话警戒pháiⁿ人，hō͘伊离开伊ê pháiⁿ路，来救伊ê性命；hitê pháiⁿ人to̍h ē死tī伊ê罪；总是，我beh对你ê手讨伊ê性命。
19 设使你警戒pháiⁿ人，伊若无oa̍t-tńg身，离开伊ê pháiⁿ所行kah伊ê pháiⁿ路，伊to̍h ē死tī伊ê罪；总是，你有救你kakī ê性命。
20 Koh设使有义人oa̍t-tńg身，离开伊ê义来犯罪，我mā有 tī伊ê面前hē阻碍，伊to̍h ē死；因为你若无kā伊警戒，伊to̍h ē死tī伊ê罪，而且伊所行ê义无koh得tio̍h记念；总是，我beh tùi你ê手讨伊ê性命。
21 总是，你若警戒义人，hō͘义人无犯罪，伊若真正无犯罪，就一定ē得tio̍h活，因为伊有受警戒；你mā ē救tio̍h kakī ê性命。」
22 以西结暂时变成哑口
上主ê手tī hia hē tī我ê身上，他对我讲：「你起来，去平原，我beh tī hia kah你讲话。」
23 就ánne，我起来，出去到平原；你看，上主ê荣光khiā tī hia，亲像我tī迦巴鲁河边所看tio̍h ê荣光；我to̍h仆tī土脚。
24 神灵to̍h入来我ê内面，hō͘我khiā起来。他kah我讲话，对我讲：「你去，你tio̍h kakī 关tī厝内。
25 人子，人ē用索á hē tī你ê身躯，kā你捆缚，致使你bē tàng出去，来行tī in ê中间。
26 我beh hō͘你ê舌黏tī你ê顶hâm，致使你哑口，bē tàng做责备in ê人；因为in是悖逆ê家。
27 总是，到我kah你讲话ê时，我ē开你ê嘴，你to̍h对in讲：『至koân上主ánne讲。』Ài听ê来听，m̄听ê据在伊mài听；因为in是悖逆ê家。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。