耶利米书 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
31 以色列人回乡
上主讲：「Hit时，我beh做以色列ta̍k房头ê上帝，in ē做我ê子民。」
2 上主ánne讲：以色列hō͘刀thâi无了ê人民，tī旷野得tio̍h恩典，我beh hō͘ in得tio̍h安息。
3 早前上主对我显现，讲：我用永远ê疼，疼你，因为ánne，我用慈爱牵你。
4 以色列ê在室女，我beh koh kā你建立，你to̍h ē得tio̍h建立；你beh koh用lin-long鼓做打扮，kah快乐ê人做阵跳舞出去。
5 你ēkoh栽种葡萄园tī撒马利亚chiahê山，栽种ê会栽种，来享受它ê果子。
6 因为有一日，以法连山守望ê人ē大声hoah：起来！咱来去锡安，到上主—咱ê上帝hia。
7 上主ánne讲：Lín tio̍h为雅各唱欢喜ê歌，为万国中做头ê国出大声，传播oló讲：上主ah，救祢ê子民—以色列人所chhun落来ê人。
8 你看，我beh chhōa in tùi北方来，聚集in tùi地极来；kah in来ê，有chheⁿmê ê、跛脚ê、带娠ê、beh生kiáⁿ ê，kui大阵做伙来。
9 In会啼哭来，我beh tī祈祷中chhōa in，我beh tī正直bē跋倒ê路chhōa in来到河边，因为我是以色列ê父，以法连做我ê大kiáⁿ。
10 上主讲：列国，lín tio̍h听上主ê话，传报tī远ê岛屿，讲：赶散以色列êē kā伊聚集，koh kā伊顾守，亲像牧者顾守伊ê羊群。
11 因为上主已经救赎雅各，kā伊赎回脱离比伊khah强ê ê手。
12 Inē到锡安koân ê所在唱歌，koh ē亲像河水teh流，到上主恩典ê地，得tio̍h五谷、酒、油、羊群kah细只ê牛群。In ê心ē亲像灌ak ê园，lóng无koh忧苦。
13 Hit时，在室女会跳舞来欢喜，少年人kah老人mā ē做伙欢喜；因为我beh hō͘ in ê悲哀变做欢喜，mā beh kā in安慰，hō͘ in tī忧闷了后来，快乐。
14 我beh用油腻hō͘祭司ê心满足；我ê人民mā ē因为我ê恩惠满意。这是上主讲ê。
15 上主怜悯以色列
上主ánne讲：Tī拉玛听tio̍h声，啼哭koh大悲伤，拉结哭她ê kiáⁿ儿，m̄愿受安慰，因为她ê kiáⁿ死去à。
16 上主ánne讲：Tio̍h禁止你ê声，m̄ thang啼哭，禁止你ê目chiu ，m̄ thang流目屎，因为你做工ē得tio̍h报赏；in ētùi对敌ê国tńg来。这是上主讲ê。
17 上主讲：你ê尾景有ǹg望，你ê kiáⁿ儿ē倒tńg来kakī ê境内。
18 我实在有听tio̍h以法连kakī 痛恨，讲：你督责我，我to̍h受督责；我亲像教bē上chōa ê牛á，求祢hō͘我oa̍t倒tńg，我to̍h oa̍t倒tńg，因为祢是我ê上帝—上主。
19 我oa̍t倒tńg以后to̍h反悔；受教示以后to̍hphah脚腿痛悔；我to̍h见笑漏气，因为我担当少年ê时ê凌辱。
20 上主讲：以法连kám是我疼ê kiáⁿ？Kám是thang欢喜ê gín-á？我见若kā伊责备，iáu koh深深数念伊；所以，我ê心肠为tio̍h伊bē平安，我一定beh怜悯伊。
21 以色列ê人民，你tio̍h为kakī 立指路牌，khiā引路柱，你tio̍h注意ǹg大路，to̍h是你所去ê原路；你tio̍h倒tńg来，tńg来tī你chiahê城。
22 偏邪ê chabó͘ gín-á，你四界流浪无定tio̍h ē到tang时？上主tī地chiūⁿ创一项新ê tāichì，to̍h是chabó͘人beh保护chapo͘人。
23 上帝子民ê光明前途
万军ê上主—以色列ê上帝ánne讲：「我hō͘受掠ê人倒tńg来ê时，tī偤大地kah它hiahê城，人ēkoh用chitê话讲：公义ê厝，圣ê山，愿上主kā你赐福。
24 偤大kah hiahê城ê人以及作穑人、四界饲羊ê人，lóng ē做伙tòa tī hia。
25 因为心神厌倦ê人，我已经hō͘伊满足；心神忧闷ê人，我已经hō͘伊知足。
26 先知讲：「我困醒teh想，我ê困真欢喜！」
27 上主讲：「你看，日子teh beh到，我beh hō͘以色列ê子民kah偤大家，人kah chengseⁿ lóng传种。
28 我早前án怎专心kā in拔出、拆毁、chhia倒、灭亡、困苦，chitmá mā beh照ánne专心kā in建立、栽种。这是上主讲ê。
29 当hiahê日，人无koh讲：老父食酸ê葡萄，kiáⁿ ê嘴齿酸软。
30 Ta̍k人ē因为kakī ê罪来死；见若食酸ê葡萄ê，in ê嘴齿会软去。
31 上主讲：「你看，日子teh beh到，我beh kah以色列ê子民以及偤大家立新ê约，
32 m̄是照我kah in ê祖先所立ê约，tī我牵in ê手，chhōa in出埃及地ê时所立ê。我虽然做in ê丈夫，in犹原违背我ê约。这是上主讲ê。」
33 上主讲：「Hiahê日了后，我kah以色列ê子民所beh立ê约是chitê：to̍h是我beh用我ê律法hē tī in ê心内，刻tī in ê心肝。我beh做in ê上主，in ē做我ê子民。
34 In无koh ta̍k人教示in ê厝边kah in ta̍k人ê兄弟，讲：『Lín tio̍h bat上主』，因为in tùi大到细lóng ēbat我。因为我beh赦免in ê罪过，无kohē记得in ê罪。这是上主讲ê。」
35 上主设日头做日时ê光，设月kah星ê定例做暗时ê光，摇动大海，hō͘它ê涌hōa-hōa哮，万军ê耶和华to̍h是他ê名。他有ánne讲：
36 Chiahê定例若ē tī我ê面前废除，以色列ê kiáⁿ孙chiah ētī我ê面前绝断，永远bē成做国。这是上主讲ê。
37 上主ánne讲：若tī顶面ê天会量得，tī地ê下面chiahê根基会测度得，我to̍h一定因为以色列ê kiáⁿ孙一切ê所行来弃sak伊。这是上主讲ê。
38 上主讲：「你看，日子teh beh到，chitê城ē kā上主起造，tùi Ha-na-nel ê楼到角头ê门。
39 量ê索koh牵出去，一直到Ga-lep山，oa̍t tńg去到Go-ah。
40 Hiat身尸kah piàⁿ火灰tī全部ê山谷kah所有ê田园，一直到汲沦溪，koh直到东pêng「马ê门」ê角头lóng beh做圣，归tī上主，无koh拔出，无koh chhia倒，一直到永远。」
各圣经译本着作权如版权说明。
本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。