历代志下 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
27 偤大王约坦
(王下15:32-38)
约坦坐位ê时二十五岁,tī耶路撒冷做王经过十六年。伊ê老母ê名叫做E-lu-siah,是撒督ê chabó͘ kiáⁿ。
2 约坦行上主所看做好ê tāichì,照伊ê老父乌西雅所行ê一切,独独无入去上主ê殿。总是,人民ê所行犹原是腐败。
3 约坦起上主殿ê顶门,koh tī 俄斐勒ê城顶起真chē顶门,
4 koh tī偤大山地起城,tī树林内起营寨kah望高楼。
5 伊kah亚扪人ê王交战,khah赢in。当hit年,亚扪人进贡银一百他连得,小麦一万歌珥,大麦一万歌珥;第二年,第三年,亚扪人mā是ánne来进贡。
6 约坦渐渐强盛,因为伊tī上主—伊ê上帝ê面前,谨慎行正直ê路。
7 约坦其他ê tāichì kah一切ê交战,lóng记tī以色列kah偤大列王ê记录。
8 伊坐位ê时二十五岁,tī耶路撒冷做王经过十六年。
9 约坦kah伊ê祖先同困,埋葬tī大卫城。伊ê kiáⁿ亚哈斯续接伊做王。
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。