诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
53 Lâng ê Siâ-ok
( Ta-bi̍t kà-sī ê si, kau hō͘ ga̍k-koaⁿ; tiāu sī ēng Bâ-hap-la̍h. )Gōng lâng sim-lāi siūⁿ kóng bô Siōng-tè. In sūn-chiông siâ-ok, chò khó-ò͘ⁿ ê tāichì, bô kah chi̍t-ê lâng chò hó.
2 Siōng-tè tùi thiⁿ àⁿ lo̍h-lâi khòaⁿ sè-kan lâng, beh khòaⁿ ū bêng-lí ê lâng, á-.sī ū cháu-chhōe Siōng-tè ê lô͘-po̍k á-bô.
3 In ta̍k lâng lóng kiâⁿ bê-lō͘, it-khài piàn-chò ù-òe; bô lâng chò hó, liân kah chi̍t-ê to bô.
4 Chò pháiⁿ ê lâng kám bē liáu-kái? In thun-chia̍h góa ê jîn-bîn chhin-chhiūⁿ teh chia̍h piáⁿ. In mā bô kiû-kiò Siōng-tè.
5 In tī bián kiaⁿ-hiâⁿ ê só͘-chāi tōa kiaⁿ-hiâⁿ, in-ūi Siōng-tè kā hit-ê chat iâⁿ kong-kek lí ê lâng ê kut-thâu phah-sòaⁿ. Lí hō͘ in kiàn-siàu, in-ūi Siōng-tè kā in khì-sak.
6 Goān I-su-la-el ê chín-kiù tùi Si-óng chhut! Goān Siōng-tè kā I hiahê siū lia̍h ê chú-bîn kiù tò tńg-.lâi! Hit sî, Iâ-kop ē khoài-lo̍k, I-su-la-el ē hoaⁿ-hí.
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。