诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
27 Siōng-chàn ê Kî-tó
( Ta-bi̍t ê si )Siōng-chú sī góa ê kng, sī góa ê chín-kiù; góa iáu koh tio̍h-kiaⁿ siáⁿ lâng? Siōng-chú sī góa oa̍h-miā ê khùi-la̍t, góa iáu koh tio̍h-kiaⁿ siáⁿ lâng?
2 Hiahê chò pháiⁿ ê lâng, to̍h-sī góa ê tùi-te̍k, lâi kong-kek góa, beh chia̍h góa ê bah, hit sî in chiū ē kha that tio̍h lâi poa̍h-tó.
3 Sûi-jiân ū kun-peng chat iâⁿ beh kong-kek góa, góa ê sim mā bô kiaⁿ-hiâⁿ; sûi-jiân tùi-te̍k heng-khí to-peng kong-kek góa, góa iû-goân an-jiân chū-chāi.
4 Ū chi̍t hāng tāichì góa bat tùi Siōng-chú kiû, góa iû-goân tì-ì ài tit tio̍h; to̍h-sī chi̍t-sì-lâng tòa tī Siōng-chú ê tiān, khòaⁿ I ê êng-kng, siàu-liām I ê tiān.
5 In-ūi tī hoān-lān ê ji̍t, I ē pó-hō͘ góa, kā góa khǹg tī I ê tiùⁿ-ûi lāi; kā góa chhàng tī I pò͘-pêⁿ khàm ba̍t ê só͘-chāi, kā góa kí-khí tī chio̍h-pôaⁿ téng.
6 Taⁿ góa ê thâu-khak ē-tàng gia̍h khí-.lâi, pí góa sì-bīn ê tùi-te̍k khah koân; góa beh tī I ê pò͘-pêⁿ lâi hiàn hoaⁿ-hí ê chè; góa beh gîm-si, chhiùⁿ koa oló Siōng-chú.
7 Siōng-chú ah, góa chhut siaⁿ kiû-kiò ê sî, kiû Lí thiaⁿ, koh kiû Lí liân-bín góa, tap-èng góa.
8 Lí bat kóng, " Lín tio̍h him-bō͘ lâi kìⁿ góa ê bīn. " Hit sî, góa ê sim tùi Lí kóng, " Siōng-chú ah, góa beh him-bō͘ lâi kìⁿ Lí ê bīn. "
9 Kiû Lí m̄ thang tùi góa am Lí ê bīn, m̄ thang siū-khì lâi kóaⁿ Lí ê lô͘-po̍k; Lí pêng-sî sī chò góa ê pang-chān. Chín-kiù góa ê Siōng-tè ah, kiû Lí m̄ thang pàng-sak góa, mā m̄ thang lī-khui góa.
10 In-ūi pē-bú nā lī-khui góa, Siōng-chú ē kā góa siu-liû.
11 Siōng-chú ah, kiû Lí kā Lí ê tō-lō͘ chí-sī góa, in-ūi góa ê tùi-te̍k ê iân-kò͘, kiû Lí chhōa góa kiâⁿ pêⁿ-tháⁿ ê lō͘.
12 M̄-thang kā góa kau hō͘ tùi-te̍k lâi chiâⁿ in ê sim-goān, in-ūi lāmsám kiàn-chèng ê lâng khí-lâi kong-kek góa, in mā thò͘-chhut hiong-ok ê ōe.
13 Góa chhim-sìn, oa̍h-.leh ê lâng ē-tàng tit tio̍h Siōng-chú ê un-hūi, it-tēng bē choa̍t-bāng.
14 Tio̍h thèng-hāu Siōng-chú! Tio̍h ióng-chòng, lí ê sim tio̍h kian-kò͘! Khak-si̍t tio̍h sìn-khò Siōng-chú!
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。