诗篇 线上收听:中文和合本 现代中文译本修订版 现代台语 台语圣经 客语 福州话 希伯来文读经 下载档案 关于语音圣经
26 Chèng-ti̍t Lâng ê Kî-tó
( Ta-bi̍t ê si. )Siōng-chú ah, kiû Lí kā góa phòaⁿ-toàn, in-ūi góa ū chiàu sûn-choân lâi kiâⁿ; góa óa-khò Siōng-chú bô iô-tāng.
2 Siōng-chú ah, kiû Lí kàm-chhat góa, khó-giām góa, kiû Lí toàn-liān góa ê sim-tn̂g.
3 In-ūi Lí ê chû-ài tiāⁿtiāⁿ tī góa ê ba̍k-chiu chêng; góa mā ū chiàu Lí ê chin-lí teh kiâⁿ.
4 Góa m̄ bat kah hi-ké ê lâng chò-hóe chē, mā bô kah ké-hó ê lâng tàu-tīn.
5 Góa bô ài kah pháiⁿ lâng kiat-tóng, bô beh kah ok-to̍k ê lâng chò-hóe chē.
6 Siōng-chú ah, góa beh sé chhiú piáu-bêng góa ê bô chōe, chiah lâi Lí ê chè-tôaⁿ chè pài;
7 Thang hō͘ lâng thiaⁿ tio̍h kám-siā ê si-koa, koh thang kóng-khí Lí it-chhè kî-biāu ê chok-ûi.
8 Siōng-chú ah, góa ì-ài Lí só͘ tòa ê chhù, í-ki̍p Lí ê êng-kng lîm-kàu ê só͘-chāi.
9 M̄-thang kā góa ê lêng-hûn kah chōe-jîn chò chi̍t-ē siau-bia̍t; m̄ thang kā góa ê oa̍h-miā kah thâi lâng ê chò-hóe tû-tiāu.
10 In ê chhiú tiong ū kan-ok, in ê chiàⁿ chhiú móa-móa lóng sī o͘-se.
11 Nā-sī góa, góa beh chiàu góa ê sûn-choân lâi kiâⁿ; kiû Lí kiù-sio̍k góa, liân-bín góa.
12 Góa ê kha khiā tī pêⁿ-tháⁿ ê só͘-chāi, tī chèng hōe tiong, góa beh oló Siōng-chú!
各圣经译本着作权如版权说明。
本画面由信望爱资讯中心之CBOL计画产生,欢迎连结,无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人,来荣耀他自己的名。