圣经阅读

查字典本章地图影像 [ 条列 | 表格 | 整段 ] 繁简语态度量衡其他阅读计画

新版查询或移至：说明

历代志下线上收听:中文和合本现代中文译本修订版现代台语台语圣经客语福州话希伯来文读经下载档案关于语音圣经

Malowid ni Asa a Hongti ko Sutan a Tamdaw

Mapatayto ci Apiya a hongti, tademen cingra i Tafiti a niyaro' i nohongtian a pitademan. O wawato ningra ci Asa ko microray a malahongti. Yo malahongtiho ci Asa marihaday ko kitakit to mo^tep a mihcaan. 2 Manga'ay ko dmak ni Asa, mo^cel ko dmak ningra, tada o kahmekan no Tapang a Kawas ningra cingra. 3 Palasawaden ningra ko pipato'ayaan no roma a finacadan ato ilotokay a pakawasan nangra, pelpelen ningra ko fokloh a hcek, tastasen ningra ko Asira a fafahiyan a kawas a samiyay. 4 Palimo'oten ningra ko Yuta a tamdaw a papido^do to nafaloco'an no Tapang a Kawas no tato'asan nangra, papihaklongen ningra cangra to sifana' ato limo'ot no Tapang. 5 Palasawaden ni Asa a hongti ko polong no i niyaro'ay no Yuta a pakawasan ato pipato'ayaan a pa^xiw. Saka, yo mikowanho cingra tadarihaday ko Yuta a kitakit. 6 Itiya i, mipatireng cingra to pisitaraan i Yuta a niyaroaro', halafin a awaay ko kalalood no kitakit, nawhani parihadayen no Tapang cingra. 7 Pasowalen ningra ko finawlan no Yuta, “Mipatireng kita to 'adipel ato pikacawan no niyaro' ato sa'def ato saciker no 'adawang no niyaro' a patanektek to niyaro'. Tona mido^do kita to nafaloco'an no Tapang a Kawas ita, saka, makowan ita konini a kitakit. Mararid Cingra a midipot i titaanan, maparihaday Ningra ko taliyok ita,” han ningra. Saka, misatapangto cangra a mipatireng, manga'ay ko tayal nangra a ma^min. 8 O sufitay ni Asa a hongti i, tolo a polo' a 'ofad (300,000) ko cilosiday to sapatada ato ci'idocay a Yuta a tamdaw, ira haca ko tosa a polo' ira ko falo a 'ofad (280,000) a cilosiday to sapatada ato pana' a Pinyamin a tamdaw. O cicdiay a sufitay cangra a ma^min.
9 Kriden ni Cira o hongti no Sutan ko ccay a so'ot a 'ofad (1,000,000) a sufitay ato tolo a so'ot (300) a sapilood a paliding a sapiloodan a mi'afas to Yuta, tahirato cangra i Marisa. 10 Sadak sato ci Asa a misi'ayaw a milood. Itira cangra i Cifata a sa'owac i ngata no Marisa a masasi'ayaw a mipatala to sapiloodaw. 11 Mitolon ci Asa to Tapang a Kawas ningra, “Tapangaw, deng Kiso ko mama^deng a mipadama to tadancaay mimingay a sufitay, ma^deng Kiso a padama to ci'icelay 'alomanay a sufitay. Tapang a Kawas niyam, nanay padamaen kami imatini, nawhani mitadi'ec kami i Tisowanan. Pakaynien niyam i ngangan Iso ko sakasadak niyam a milood tonini a ci'icelay 'alomanay a sufitay. Tapangaw, o Kawas niyam Kiso, awaay ko pakalowiday a tamdaw Tisowanan,” han ningra.
12 Saka, yo looden ni Asa ato sufitay no Yuta ko sufitay no Sutan i, lowiden no Tapang ko sufitay no Sutan, milaliwto cangra. 13 Kriden ni Asa ko sufitay a milpel i cangraan tahira i Kirar. 'Aloman ko mapatayay a sufitay no Sutan, saka, caayto ko mamilood cangra. Malowidto no Tapang ato sufitay Ningra cangra, adihay ko ni'afasan no sufitay no Yuta a miala a maamaan i kalaloodan. 14 Plengen nangra ko italiyokay no Kirar a niyaroaro', nawhani matalaw to Tapang koya itiraay a maro' a finawlan a ma^min. 'Afasen no sufitay no Yuta i kalaloodan ko adihayay a maamaan nonini a niyaroaro'. 15 O romasato, looden nangra ko pasirian a talo'an, 'afasen nangra ko adihayay a masaflaway a siri ato lakuta, ta minokay cangra i Yirusalim.

查询或移至：说明

[ 条列 | 表格 | 整段 ] 繁简语态重新查询影像本章地图度量衡其他

中文:FHL和合本和合本2010现代中文译本1995版现代中文译本2019版新译本恢复本思高译本吕振中译本NET圣经中译本深文理和合本官话和合本北京官话译本文理和合本神天圣书文理委办译本施约瑟浅文理译本马殊曼译本四人小组译本高连茨基圣咏经郭实腊新遗诏书和旧遗诏圣书太平天国文理译本原文直译(参考用)
英文:ESVKJVBBEWEBASVDarbyERV
原文与古译本:旧约马索拉原文七十士译本
台客语:现代台语2021版汉字现代台语2021版全罗圣经公会巴克礼台汉本巴克礼全罗巴克礼汉罗圣经公会现代客语全罗圣经公会现代客语汉字全民台语圣经全罗全民台语圣经汉罗全民台语圣经Ruby
其他:圣经公会布农语圣经圣经公会泰雅尔语圣经圣经公会鲁凯语圣经赛德克族Tgdaya语圣经公会阿美语1997圣经公会太鲁阁语圣经印尼圣经印尼旧圣经越南圣经俄文圣经韩文圣经日语圣经藏语圣经武加大译本新武加大译本

本画面由信望爱资讯中心之CBOL计画产生，欢迎连结，无须申请。CBOL计画之资料版权宣告采用GNU Free Documentation License。愿上帝的话能建造每一位使用这系统的人，来荣耀他自己的名。

信望爱站使用cookies 技术来强化网站功能，您使用本网站，表示您同意我们使用 cookies 技术.